ബംഗളൂരു : ഹിജാബ് വിലക്കിനെതിരേ ഹരജി പരിഗണിക്കുന്ന കര്‍ണാടക ഹൈക്കോടതി ജഡ്ജിക്കെതിരേ അപകീര്‍ത്തി പരാമര്‍ശം ട്വീറ്റ് ചെയ്‌തെന്ന കേസില്‍ കന്നഡ നടന്‍ ചേതന്‍ കുമാര്‍ അഹിംസയെ അറസ്റ്റ് ചെയ്തു. ആക്ടിവിസ്റ്റ് കൂടിയായ ചേതനെ ബംഗളൂരു സിറ്റി പൊലിസാണ് അറസ്റ്റ് ചെയ്തത്.ശേശാധിപുരം പൊലിസ് സ്വമേധയാ കേസെടുക്കുകയായിരുന്നു. ഇയാളെ രണ്ടാഴ്ചത്തേക്ക് റിമാന്‍ഡ് ചെയ്തു. ഹിജാബ് കേസ് ആദ്യം പരിഗണിച്ച ജസ്റ്റിസ് എസ്. കൃഷ്ണ ദീക്ഷിതിനെതിരേയാണ് ട്വീറ്റ്.