കോഴിക്കോട്: ജില്ലയില്‍ വീണ്ടും കൊവിഡ് പിടിമുറുക്കുന്നു. ഒക്ടോബറിന് ശേഷം ഇന്ന് കൊവിഡ് ബാധിതരുടെ എണ്ണം ആയിരം കടന്നു. ഇന്ന് 1271 പേര്‍ക്കാണ് ജില്ലയില്‍ രോഗം സ്ഥിരീകരിച്ചത്. ഒക്ടോബര്‍ 28നായിരുന്നു രോഗബാധിതരുടെ എണ്ണം അവസാനമായി ആയിരം കടന്നത് പിന്നീട് രോഗികളുടെ എണ്ണത്തില്‍ കുറവുണ്ടായെങ്കിലും വീണ്ടും രോഗബാധിതരുടെ എണ്ണം വര്‍ധിക്കുകയാണ്. ഒക്ടോബര്‍ ഒന്നിനാണ് ആദ്യമായി ജില്ലയില്‍ കൊവിഡ് ബാധിതരുടെ എണ്ണം ആയിരം കടക്കുന്നത്. 1072ആയിരുന്നു രോഗബാധിതര്‍. ഒക്ടോബര്‍ ഏഴിനാണ് ഏറ്റവും ഉയര്‍ന്ന രോഗബാധിതര്‍,1576.

1000 ത്തിനു മുകളില്‍ അവസാനം റിപ്പോര്‍ട്ട് ചെയ്ത കണക്കുകള്‍

01/10/2020 1072
02/10/20201134
04/10/20201165
07/10/20201576
09/10/20201206
10/10/20201324
11/10/20201219
15/10/20201290
21/10/20201153
28/10/20201145

കഴിഞ്ഞ ഒരാഴ്ചയായി തെരഞ്ഞെടുപ്പുമായി ബന്ധപ്പെട്ട പ്രവര്‍ത്തനങ്ങളില്‍ ആളുകള്‍ കൂടിചേരുന്നതിനുള്ള നിയന്ത്രണങ്ങളിലും മറ്റു കൊവിഡ് മാനദണ്ഡങ്ങള്‍ പാലിക്കുന്നതിലും ഉണ്ടായ വീഴ്ച കാരണമാണ് കൊവിഡ് പോസിറ്റിവിറ്റി നിരക്ക് ഉയര്‍ന്നത്. ഇപ്പോള്‍ ടെസ്റ്റ് പോസിറ്റിവിറ്റി നിരക്ക് സംസ്ഥാന ശരാശരിയേക്കാള്‍ കൂടുതലാണ്. കൊവിഡ് രോഗബാധിതരുടെ എണ്ണം വര്‍ധിക്കുന്നതോടെ ജില്ലാഭരണകൂടം നിയന്ത്രണങ്ങള്‍ കര്‍ശനമാക്കി.

• ബീച്ച്,ഡാം തുടങ്ങിയ വിനോദസഞ്ചാര മേഖലകളില്‍ വൈകുന്നേരം അഞ്ച് മണിക്ക് ശേഷം പ്രവേശനം ഉണ്ടായിരിക്കില്ല.
• പ്രവേശനം നിയന്ത്രിക്കാന്‍ കഴിയുന്ന വിനോദസഞ്ചാര മേഖലകളില്‍ ഒരേസമയം 200 ആളുകളില്‍ കൂടുതല്‍ ഉണ്ടാകാന്‍ പാടില്ല.
• കണ്ടെയ്ന്‍മെന്റ് സോണായി പ്രഖ്യാപിച്ച പ്രദേശങ്ങളില്‍ യതൊരുവിധത്തിലുള്ള കൂടിച്ചേരലുകളും അനുവദിക്കുന്നതല്ല.
•  കോവിഡ് ഹോട്ട് സ്പോട്ടുകളില്‍ 100 ബെഡുകളുള്ള എഫ്.എല്‍.ടി.സികള്‍ സജ്ജമാക്കും.
• ഓരോ പൊലിസ്‌ സ്റ്റേഷനുകളിലും കൊവിഡ് പെട്രോളിങ് ടീമിനെ നിയോഗിക്കും. നിര്‍ദ്ദേശങ്ങള്‍ ലംഘിക്കുന്നവര്‍ക്കെതിരെ കര്‍ശന നടപടി സ്വീകരിക്കുമെന്ന് ജില്ലാ കലക്ടര്‍ അറിയിച്ചു.

ഇന്ന് ജില്ലയില്‍ 1271 പേര്‍ക്കാണ് കൊവിഡ് സ്ഥിരീകരിച്ചത്. സംസ്ഥാനത്ത് തന്നെ ഏറ്റവും കൂടുതല്‍ രോഗികള്‍ ഇപ്പോള്‍ കോഴിക്കോട് ജില്ലയിലാണ്. 407 പേരാണ് ഇന്ന് കൊവിഡ് മുക്തരായത്. 6643 പേര്‍ നിലവില്‍ ജില്ലയില്‍ ചികിത്സയിലാണ്. 127184 പേരാണ് ആകെ ജില്ലയില്‍ കൊവിഡ് മുക്തരായത്.