ജയ്പുര്‍: രാജസ്ഥാനിലെ ഉദയ്പുരിലെ തയ്യല്‍ കടയുടമയെ കഴുത്തറുത്ത് കൊലപ്പെടുത്തിയ സംഭവത്തില്‍ രണ്ടു പേര്‍ അറസ്റ്റിലായി. ഗൗസ് മുഹമ്മദ്,മുഹമ്മദ് റിയാസ് എന്നിവരാണ് അറസ്റ്റിലായത്.

കൊലപാതകത്തിന്റെ ദൃശ്യങ്ങളില്‍ പ്രചരിക്കുന്ന രണ്ടു പേരാണ് പിടിയിലായത്. മുഹമ്മദ് നബിക്കെതിരായ പരാമര്‍ശം നടത്തിയ ബിജെപി മുന്‍ വക്താവ് നൂപുര്‍ ശര്‍മയെ പിന്തുണച്ചു പോസ്റ്റിട്ടുവെന്നാരോപിച്ചാണ് ക്രൂരമായ കൊലപാതകം നടത്തിയത്.

ഉദയ്പൂരിലെ മാള്‍ഡാസ് സ്ട്രീറ്റിലാണ് കൊലപാതകം അരങ്ങേറിയത്. കൊലപ്പെടുത്താന്‍ ഉപയോഗിച്ച ആയുധങ്ങള്‍ വിഡിയോയില്‍ യുവാക്കള്‍ ഉയര്‍ത്തിക്കാട്ടി. മുന്‍കരുതലുകളുടെ ഭാഗമായി ഉദയ്പൂരില്‍ ഇന്റര്‍നെറ്റ് വിച്ഛേദിച്ചു. കടകളെല്ലാം അടച്ചു. ഏഴുജില്ലകളില്‍ നിരോധനാജ്ഞ ഏര്‍പ്പെടുത്തി