ദുബായിൽ മൂടൽമഞ്ഞിന് സാധ്യത, യെല്ലോ അലർട്ട്; പകൽ ചൂട് കനക്കും

ദുബായ്: ദുബായിയിൽ ഇന്ന് അന്തരീക്ഷം ഭാഗികമായി മേഘാവൃതവും ചിലപ്പോൾ പൊടി നിറഞ്ഞതുമായിരിക്കുമെന്ന് ദേശീയ കാലാവസ്ഥാ കേന്ദ്രം അറിയിച്ചു. ചിലയിടങ്ങളിൽ മൂടൽമഞ്ഞിനും സാധ്യതയുണ്ട്. എന്നാൽ രാവിലെ 9 മണിക്ക് ശേഷം മൂടൽമഞ്ഞ് കുറഞ്ഞ് അന്തരീക്ഷം തെളിയും.

ചില പടിഞ്ഞാറൻ തീരപ്രദേശങ്ങളിലും ഉൾഭാഗത്തും പുലർച്ചെ 4.30 മുതൽ ശനിയാഴ്ച രാവിലെ 8.30 വരെയാണ് മൂടൽമഞ്ഞ് സാധ്യത കണക്കാക്കുന്നത്. നേരിയതോ മിതമായതോ ആയ കാറ്റ് വീശാൻ സാധ്യതയുണ്ട്. എന്നാൽ കാറ്റിന് ഇടക്ക് ശക്തികൂടിയേക്കാം.

കാറ്റ് ശക്തമായാൽ പകൽ സമയത്ത് പൊടി വീശാൻ കാരണമാകും. രാജ്യത്ത് താപനില 49 ഡിഗ്രി സെൽഷ്യസ് വരെ ഉയർന്നേക്കാം. അബുദാബിയിലും ദുബായിലും 45 ഡിഗ്രി സെൽഷ്യസായി ഉയരും.

അതേസമയം, അബുദാബിയിൽ കുറഞ്ഞ താപനില 32 ഡിഗ്രി സെൽഷ്യസും ദുബായിൽ 33 ഡിഗ്രി സെൽഷ്യസും ഉൾപ്രദേശങ്ങളിൽ 25 ഡിഗ്രി സെൽഷ്യസും ആയിരിക്കും.

രാത്രിയിലും ഞായറാഴ്ച രാവിലെയും ഈർപ്പമുള്ളതായിരിക്കും, ചില തീരപ്രദേശങ്ങളിൽ മൂടൽമഞ്ഞ് അല്ലെങ്കിൽ മൂടൽമഞ്ഞ് രൂപപ്പെടാൻ സാധ്യതയുണ്ട്. അബുദാബിയിൽ 20 മുതൽ 95 ശതമാനം വരെയും ദുബായിൽ 30 മുതൽ 90 ശതമാനം വരെയും ഹ്യുമിഡിറ്റി ലെവൽ ആയിരിക്കും.

അറേബ്യൻ ഗൾഫിൽ കടലിലെ അവസ്ഥ നേരിയതോ ഒമാൻ കടലിൽ ചിലപ്പോൾ നേരിയതോ മിതമായതോ ആയിരിക്കും