കൊച്ചി: കലൂരില്‍ ഡിജെ പാര്‍ട്ടിക്കിടെയുണ്ടായ കൊലപാതകത്തില്‍ ഒരാള്‍ കൂടി പിടിയില്‍. തിരുവനന്തപുരം സ്വദേശി അഭിഷേകാണ് പിടിയിലായത്. കേസിലെ പ്രധാന പ്രതിയുടെ സുഹൃത്താണ് അഭിഷേക്. പാര്‍ട്ടിയില്‍ ലേസര്‍ ഷോ ഓപ്പറേറ്റായിരുന്ന പള്ളുരുത്തി സ്വദേശി രാജേഷാണ് കൊല്ലപ്പെട്ടത്.

കൊലപാതകത്തില്‍ പ്രതികള്‍ക്കായി പൊലീസ് അന്വേഷണം ഊര്‍ജിതമാക്കിയിരുന്നു. കാസര്‍കോട് സ്വദേശിക്കും കൂട്ടാളിക്കും വേണ്ടിയാണ് അന്വേഷണം പുരോഗമിക്കുന്നത്. കലൂര്‍ രാജ്യാന്തര സ്റ്റേഡിയത്തിന് സമീപം ശനിയാഴ്ച രാത്രി സ്വകാര്യ കമ്പനി സംഘടിപ്പിച്ച ഡിജെ പാര്‍ട്ടിക്കിടയിലായിരുന്നു കൊലപാതകം.