കാബൂള്‍: താലിബാന്‍ ആക്രമണം രൂക്ഷമായിരിക്കേ, സുരക്ഷാ പദ്ധതി പ്രഖ്യാപിച്ച് അഫ്ഗാന്‍ പ്രസിഡന്റ് അഷ്‌റഫ് ഗനി. പാര്‍ലമെന്റിലാണ് അഷ്‌റഫ് ഗനി പദ്ധതി പ്രഖ്യാപിച്ചു.

എന്നാല്‍ പദ്ധതിയുടെ വിശദാംശങ്ങള്‍ പുറത്തുവിട്ടിട്ടില്ല.

അതേസമയം തെക്ക്, പടിഞ്ഞാറ് അഫ്ഗാനിസ്ഥാനിലെ മൂന്ന് പ്രവിശ്യകളിലെ സാഹചര്യം അതീവഗുരുതരമാണെന്ന് അഫ്ഗാന്‍ സൈന്യം വ്യക്തമാക്കി. ഇവിടെ താലിബാനുമായി ശക്തമായ ചെറുത്തുനില്‍പ്പിലാണ് തങ്ങളെന്നും സൈന്യം അറിയിച്ചു.

20 വര്‍ഷം നീണ്ട യുദ്ധത്തിനൊടുവില്‍ അഫ്ഗാനിസ്ഥാനില്‍ നിന്ന് യു.എസ് സമ്പൂര്‍ണ പിന്മാറ്റം പ്രഖ്യാപിച്ചതോടെയാണ് താലിബാന്‍ വിവിധ മേഖലകള്‍ പിടിച്ചടക്കാന്‍ തുടങ്ങിയത്.