ദീപവലി: ദുബൈയിലെ സ്‌കൂളുകൾക്ക് നാല് ദിവസത്തെ അവധി; ആഘോഷങ്ങൾ ഒഴിവാക്കി

ദുബൈ: ദീപാവലി ആഘോഷത്തോട് അനുബന്ധിച്ച് യുഎഇയിലെ വിവിധ ഇന്ത്യൻ സ്‌കൂളുകൾക്ക് അവധി പ്രഖ്യാപിച്ചു. വാരാന്ത്യ അവധികൾ ഉൾപ്പെടെ വെള്ളി മുതൽ തിങ്കൾ വരെയാണ് സ്‌കൂളുകൾക്ക് അവധി പ്രഖ്യാപിച്ചിരിക്കുന്നത്. എന്നാൽ ഫലസ്തീൻ ജനതയോടുള്ള ഐക്യദാർഢ്യവുമായി യാതൊരു വിധ ആഘോഷങ്ങളും സ്‌കൂളുകളിൽ നടത്തില്ലെന്ന് വിവിധ സ്‌കൂൾ അധികൃതർ അറിയിച്ചു.

ദുബൈ ജെംസ് ഇന്ത്യൻ സ്‌കൂൾസ്, അബുദാബി ഷൈനിങ് സ്റ്റാർ ഇന്റർനാഷണൽ, ഷാർജ ഇന്ത്യൻ സ്‌കൂൾ തുടങ്ങിയ സ്‌കൂളുകളാണ് അവധി പ്രഖ്യാപിച്ചത്. എല്ലാ സ്‌കൂളുകളും ആഘോഷ പരിപാടികൾ ഒഴിവാക്കിയിട്ടുണ്ട്.

സ്‌കൂളുകൾ അവരുടെ ആഘോഷത്തിനായുള്ള ഫണ്ട് ഗസ്സയിലെ കുട്ടികൾക്ക് വേണ്ടി നൽകുമെന്ന് വിവിധ സ്‌കൂളുകൾ അറിയിച്ചു. ഇതിന് പുറമെ കുട്ടികളുടെ നേതൃത്വത്തിൽ ഗസ്സയിലേക്ക് അയക്കാവുന്ന വസ്തുക്കൾ ശേഖരിക്കുകയും ചെയ്യുന്നുണ്ട്.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക https://chat.whatsapp.com/BRPMYfzNHhY2483Sqrze5o