കൊച്ചി: പ്രശസ്ത നടന്‍ റിസബാവ അന്തരിച്ചു. അന്‍പത്തിയഞ്ച് വയസായിരുന്നു. കൊച്ചിയിലെ സ്വകാര്യ ആശുപത്രിയില്‍ വൃക്ക സംബന്ധമായ അസുഖത്തെ തുടര്‍ന്നായിരുന്നു അന്ത്യം.
നാടകത്തിലൂടെയായിരുന്നു അഭിനയരംഗത്തേക്കു കടന്നുവന്നത്. പിന്നീട് സിനിമയില്‍ സ്വഭാവനടനായും വില്ലന്‍ കഥാപാത്രമായും തിളങ്ങിയ അദ്ദേഹം നൂറോളം സിനിമകളില്‍ അഭിനയിച്ചിട്ടുണ്ട്. ഡംബ്ബിംഗ് രംഗത്തും ശ്രദ്ധേയനായിരുന്നു. ഡോ.പശുപതി എന്ന സിനിമയില്‍ നായകനായി. ഇന്‍ ഹരിഹര്‍ നഗറിലെ വില്ലന്‍ വേഷം ഏറെ ശ്രദ്ധിക്കപ്പെട്ടിരുന്നു.