ചാലക്കുടി: ചാലക്കുടിയില്‍ ആശ്വാസം. ജലനിരപ്പ് താഴ്ന്നു. മഴ രാത്രി കുറഞ്ഞതാണ് കാരണം. നിലവിലെ ജലനിരപ്പ് 4.31 മീറ്ററാണ്. 7.1 മീറ്റര്‍ ആവുമ്പോഴാണ് മുന്നറിയിപ്പ് നല്‍കുന്നത്. ജലനിരപ്പ് 8.1 മീറ്ററിലെത്തിയാല്‍ അപകടകരമെന്നുമാണ് വിലയിരുത്തല്‍.

ലോവര്‍ ഷോളയാര്‍, പറമ്പിക്കുളം ഡാമുകള്‍ തുറന്നതോടെ ചാലക്കുടി പുഴയുടെ തീരത്ത് ജാഗ്രത നിര്‍ദേശം പുറപ്പെടുവിച്ചിരുന്നു. വെള്ളം കയറാന്‍ സാധ്യതയുള്ളതിനാല്‍ താഴ്ന്ന പ്രദേശങ്ങളില്‍ താമസിക്കുന്നവരെ മാറ്റി പാര്‍പ്പിച്ചു . ആശങ്കപ്പെടേണ്ട സാഹചര്യമില്ലെങ്കിലും ജാഗ്രത വേണമെന്ന് തൃശൂര്‍ ജില്ല കലക്ടര്‍ അറിയിച്ചിരുന്നു