ആലപ്പുഴ: എസ്.ഡി.പി.ഐ നേതാവ് അഡ്വ.കെ.എസ്.ഷാന്റെ കൊലപാതക കേസില്‍ ഒരു ആര്‍.എസ്.എസ് നേതാവുകൂടി അറസ്റ്റില്‍. ജില്ലാ പ്രചാരക് മലപ്പുറം കാലടി പഞ്ചായത്ത് 13ാം വാര്‍ഡില്‍ കുറുങ്ങാടത്ത് കെ.വി. അനീഷിനെയാണ് (39)ആലപ്പുഴ ജില്ലാ ക്രൈംബ്രാഞ്ച് അറസ്റ്റ് ചെയ്തത്. ഇതോടെ, ഷാന്‍ വധക്കേസില്‍ അറസ്റ്റിലായവരുടെ എണ്ണം 15 ആയി.
ഇയാളെ ചോദ്യം ചെയ്തതില്‍ നിന്ന് കൂടുതല്‍ വിവരങ്ങള്‍ ലഭിച്ചതായും കൂടുതല്‍ അറസ്റ്റുകള്‍ ഉടന്‍ ഉണ്ടാകുമെന്നും അന്വേഷണ ഉദ്യോഗസ്ഥര്‍ അറിയിച്ചു.

കൊലയുടെ ഗൂഢാലോചന നടത്തിയ ആര്‍.എസ്.എസ് നേതാക്കള്‍ക്ക് ആലുവയിലെ ആര്‍.എസ്.എസ് കാര്യാലയത്തില്‍ ഒളിത്താവളം ഒരുക്കിയതടക്കമുള്ള സഹായം നല്‍കിയതിനാണ് ഇയാള്‍ പിടിയിലായത്. അന്വേഷണ സംഘം വിളിച്ചുവരുത്തിയശേഷം ചോദ്യം ചെയ്യലിനൊടുവിലാണ് അറസ്റ്റ് രേഖപ്പെടുത്തിയത്.