മുംബൈ: ഇന്ത്യന്‍ പ്രീമിയര്‍ ലീഗില്‍ തോൽവിയിൽ നിന്ന് കരകയറാതെ മുംബൈ.ഇന്ന് നടന്ന മത്സരത്തിൽ മുംബൈ ഇന്ത്യന്‍സിനെതിരെ കൊല്‍ക്കത്ത നൈറ്റ് റൈഡേഴ്‌സിന് ത്രില്ലര്‍ വിജയം സ്വല്തമാക്കി. വാങ്കഡെ സ്റ്റേഡിയത്തില്‍ നടന്ന മത്സരത്തില്‍ 24 റണ്‍സിനാണ് നൈറ്റ് റൈഡേഴ്‌സ് മുംബൈ ഇന്ത്യന്‍സിനെ വീഴ്ത്തിയത്. കൊല്‍ക്കത്തയെ 169 റണ്‍സിന് ഓള്‍ഔട്ടാക്കിയെങ്കിലും മറുപടി ബാറ്റിങ്ങില്‍ മുംബൈ 145 റണ്‍സിന് പുറത്തായി. 170 റണ്‍സ് പിന്തുടര്‍ന്ന ആതിഥേയരെ 18.5 ഓവറില്‍ 145 റണ്‍സിന് ഓള്‍ഔട്ടാക്കിയാണ് കൊല്‍ക്കത്ത വിജയം പിടിച്ചെടുത്തത്. നാല് വിക്കറ്റ് വീഴ്ത്തിയ മിച്ചല്‍ സ്റ്റാര്‍ക്കാണ് കൊല്‍ക്കത്തയുടെ വിജയ ശില്‍പ്പി.