സംസ്ഥാന ഹജ്ജ് കമ്മിറ്റി മുഖേന ഹജ്ജ് കര്‍മ്മം നിര്‍വഹിക്കാന്‍ 251 പേര്‍ക്ക് കൂടി അവസരം. ഇതോടെ സംസ്ഥാനത്ത് നിന്നും ഹജ്ജിന് പോകാന്‍ അവസരം ലഭിച്ചവരുടെ എണ്ണം 18,019 ആയി. മറ്റ് സംസ്ഥാനങ്ങളില്‍ നിന്ന് ഒഴിവു വന്ന സീറ്റുകളാണ് കേരളത്തിനായി അനുവദിച്ചിരിക്കുന്നത്. പുതുതായി തെരെഞ്ഞെടുക്കപ്പെട്ട തീര്‍ത്ഥാടകര്‍ മെയ് 14നകം തുകയടക്കണം. ഓരോ കവര്‍ നമ്പറിനും പ്രത്യേകം ലഭിക്കുന്ന ബാങ്ക് റഫറന്‍സ് നമ്പര്‍ രേഖപ്പെടുത്തിയ പേ ഇന്‍ സ്ലിപ് ഉപയോഗിച്ച് എസ്.ബി.ഐ വഴിയോ, യൂണിയന്‍ ബാങ് ഓഫ് ഇന്ത്യ വഴിയോയാണ് തുക അടക്കേണ്ടത്.

കൂടുതല്‍ വിവരങ്ങള്‍ക്ക് സംസ്ഥാന ഹജ്ജ് കമ്മിറ്റി ഓഫിസുമായോ ഹജ്ജ് കമ്മിറ്റിയുടെ ജില്ല ട്രെയിനിങ് ഓര്‍ഗനൈസര്‍മാരുമായോ മണ്ഡലം ട്രെയിനിങ് ഓര്‍ഗനൈസര്‍മാരുമായോ ബന്ധപ്പെടണം. ഫോണ്‍: 0483-2710717. വെബ്സൈറ്റ്: https://hajcommittee.gov.in.