ദുബൈ: കഴിഞ്ഞ പത്തുവർഷത്തിനിടെ മോദി ഭരണകാലത്ത് അഭിപ്രായങ്ങൾ പറഞ്ഞ പല മാധ്യമ പ്രവർത്തകർക്കും ജയിലിൽ കിടക്കേണ്ട അവസ്ഥയാണെന്ന് കെ. മുരളീധരൻ എം.പി. രാജ്യത്ത് വസ്തുതകൾ എഴുതുന്ന മാധ്യമങ്ങൾക്ക് ഭരണകൂടത്തിൻ്റെ ആക്രമണം നേരിടുകയാണെന്നും അദ്ദേഹം പറഞ്ഞു. ഗൾഫ് സുപ്രഭാതം ഉദ്ഘാടനത്തോടനുബന്ധിച്ച് 'മാറിയ കാലത്തെ അച്ചടി മാധ്യമങ്ങളുടെ പ്രസക്തി' എന്ന വിഷയത്തിൽ നടത്തിയ സെമിനാർ ഉദ്ഘാടനം ചെയ്യുകയായിരുന്നു കെ. മുരളീധരൻ.

വിമർശനങ്ങളും ജനാധിപത്യത്തിൻ്റെ ഭാഗമാണ്. ലോക്സഭാ തെരഞ്ഞെടുപ്പ് ഫലം മറിച്ചായാൽ ജനാധിപത്യത്തിനും മതേതരത്വത്തിനും വലിയ ഭീഷണിയാണെന്നും കെ. മുരളീധരൻ പറഞ്ഞു.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക: