ന്യൂഡല്‍ഹി: എന്‍ഡിഎ (നാഷണല്‍ ഡിഫന്‍സ് അക്കാദമി) പ്രവേശനത്തിനുള്ള  പരീക്ഷയുടെ അഡ്മിറ്റ് കാര്‍ഡ് യുപിഎസ്‌സി പ്രസിദ്ധീകരിച്ചു. എന്‍ഡിഎ 2 പരീക്ഷയ്ക്കായി അപേക്ഷിച്ചവര്‍ക്ക് യുപിഎസ്‌സി വെബ്‌സൈറ്റില്‍ കയറി അഡ്മിറ്റ് കാര്‍ഡ് ഡൗണ്‍ലോഡ് ചെയ്യാം. റോള്‍ നമ്പര്‍, ജനനത്തീയതി അടക്കമുള്ള വിവരങ്ങള്‍ നല്‍കി ലോഗിന്‍ ചെയ്ത് അഡ്മിറ്റ് കാര്‍ഡ് ഡൗണ്‍ലോഡ് ചെയ്യാവുന്നതാണ്. സെപ്റ്റംബര്‍ ഒന്നിനാണ് പരീക്ഷ എന്‍ഡിഎ പ്രവേശന പരീക്ഷ നടത്തുന്നത്. യുപിഎസ്‌സിയുടെ ഔദ്യോഗിക വെബ്‌സൈറ്റ് ആയ upsc.gov.in ല്‍  നിന്നാണ് അഡ്മിറ്റ് കാര്‍ഡ് ഡൗണ്‍ലോഡ് ചെയ്യേണ്ടത്. 

എഴുത്തുപരീക്ഷയുടെ അഭിമുഖത്തിന്റെയും അടിസ്ഥാനത്തിലാണ് എന്‍ഡിഎ പ്രവേശനം. ഉദ്യോഗാര്‍ത്ഥികളെ സംബന്ധിച്ച്  ഇന്ത്യന്‍ സായുധ സേനയില്‍ ചേരാനുള്ള നിര്‍ണായക പരീക്ഷയാണിത്. മെയ് 15 മുതല്‍ ജൂണ്‍ 4 വരെയാണ് അപേക്ഷകള്‍ സ്വീകരിച്ചിരുന്നത്. 404 ഒഴിവുകളാണ് റിക്രൂട്ട്‌മെന്റ് സൈക്കിളില്‍ ഇത്തവണ ഉള്ളത്.

The National Defence Academy (NDA) has released the admit card for the upcoming entrance examination. Candidates can now download their admit cards from the official website, marking a crucial step towards the exam. Stay updated with the latest exam notifications and instructions