കോഴിക്കോട്: സമസ്ത നാഷണൽ എജ്യുക്കേഷൻ കൗൺസിൽ (എസ്.എൻ.ഇ.സി) റബീഅ് ക്യാംപയിന്റെ ഭാഗമായി ശരീഅ, ഷീ, ശരീഅ പ്ലസ്, ഷീ പ്ലസ് അഫിലിയേറ്റഡ് സ്ഥാപനങ്ങളിലെ  വിദ്യാർത്ഥികളുടെ രക്ഷിതാക്കൾക്ക് സംഘടിപ്പിച്ച ക്വിസ് മത്സര വിജയികളെ പ്രഖ്യാപിച്ചു.

എസ്.എൻ.ഇ.സി ഷീ പ്ലസ് സ്ട്രീം സ്ഥാപനം  എടക്കര നഫീസത്തുൽ മിസ്‌രിയ്യയിലെ ഫാത്തിമ സബ്നൂറയുടെ മാതാവ്  ബഹ്ജത്ത് (ഒന്നാം സ്ഥാനം), ശരീഅ സ്ട്രീം സ്ഥാപനം  ആലപ്പുഴ പതിയാങ്കര ശംസുൽ ഉലമ ഇസ്ലാമിക് ആൻഡ് ആർട്സ് കോളേജിലെ അഹ്മദ് ഫൈസിന്റെ പിതാവ് സിയാദ് എസ് (രണ്ടാം സ്ഥാനം) എന്നിവരാണ് വിജയികൾ.  എസ്.എൻ.ഇ.സി അക്കാദമിക് കൗൺസിൽ ചെയർമാൻ പി.എം അബ്ദുസ്സലാം ബാഖവി വടക്കേക്കാട് വിജയികളെ പ്രഖ്യാപിച്ചു. സെപ്തംബർ 22ന് നടക്കുന്ന എസ്.എൻ.ഇ.സി മീലാദ് കോൺഫ്രൻസിൽ പുരസ്‌കാരങ്ങൾ നൽകും.