നോയിഡ:ഉത്തർപ്രദേശിലെ നോയിഡ സെക്ടർ 76-ൽ വൈദ്യുത ടവറിന്‍റെ മുകളിൽ കയറി നൃത്തം ചെയ്ത് യുവാവ്. ഫയർ ഫോഴ്സും വൈദ്യുതി വകുപ്പ് ഉദ്യോഗസ്ഥരും ചേർന്ന് വളരെ പണിപ്പെട്ടാണ് യുവാവിനെ താഴെയിറക്കിയത്. 

ഹൈ വോൾട്ടേജ് ഇലക്ട്രിക് ടവറിന്‍റെ ഏറ്റവും മുകളിൽ കയറി യുവാവ് നൃത്തം ചെയ്തത് ഇന്ന് ഉച്ചയ്ക്ക് 1.30ഓടെയാണ്. വൻ ജനക്കൂട്ടം പരിസരത്ത് തടിച്ചുകൂടി. താഴെയിറങ്ങാൻ എല്ലാവരും ഉറക്കെ വിളിച്ചു പറഞ്ഞെങ്കിലും യുവാവ് അതിന് വിസമ്മതിച്ചു നൃത്തം തുടരുകയായിരുന്നു. രണ്ട് മണിക്കൂറോളം നീണ്ട പരിശ്രമത്തിനൊടുവിൽ പൊലിസും ഫയർഫോഴ്‌സും ചേർന്നാണ് യുവാവിനെ താഴേക്ക് എത്തിച്ചത്.

യുവാവിന് മാനസിക വിഭ്രാന്തി ഉണ്ടെന്നാണ് പൊലിസ് പറയുന്നത്. ഇയാൾ മദ്യലഹരിയിലായിരുന്നുവെന്ന് സംഭവ സ്ഥലത്തുണ്ടായിരുന്നവർ പറയുന്നു. യുവാവിനെ ആശുപത്രിയിൽ പ്രവേശിപ്പിച്ചു.