ദുബൈ: നിര്‍ദ്ദിഷ്ട യാത്രകള്‍ക്കായി ഊബറിന്റെ വീറൈഡുമായുള്ള സഹകരണത്തിന്റെ ഭാഗമായി അബൂദബിയുടെ ചില ഭാഗങ്ങളില്‍ ഇനിമുതല്‍ ഡ്രൈവറില്ലാ ഊബറില്‍ യാത്ര ചെയ്യാം.

ഊബര്‍ എക്‌സ് അല്ലെങ്കില്‍ ഊബര്‍ കംഫര്‍ട്ട് സര്‍വ്വീസസ് സേവനങ്ങള്‍ ബുക്ക് ചെയ്യുമ്പോള്‍ വീറൈഡിന്റെ വാഹനങ്ങളുമായി പൊരുത്തപ്പെടാനുള്ള സാധ്യത വര്‍ദ്ധിപ്പിക്കുന്നതിന് ഊബര്‍ ആപ്പ് ഉപയോക്താക്കള്‍ക്ക് ആപ്ലിക്കേഷന്റെ ക്രമീകരണങ്ങളിലെ റൈഡ് മുന്‍ഗണനകള്‍ വിഭാഗം വഴി തിരഞ്ഞെടുക്കാവുന്നതാണ്.

സാദിയാത്ത് ദ്വീപ്, യാസ് ദ്വീപ്, സായിദ് ഇന്റര്‍നാഷണല്‍ എയര്‍പോര്‍ട്ടിലേക്കുള്ള റൂട്ടുകള്‍ എന്നിവയുള്‍പ്പെടെയുള്ള പ്രദേശങ്ങളിലാണ് ഈ സേവനം തുടക്കത്തില്‍ ലഭ്യമാകുക. ഭാവിയില്‍ അബൂദബിയിലെ മറ്റ് പ്രദേശങ്ങളിലേക്കും പ്രവര്‍ത്തനം വ്യാപിപ്പിക്കും.

പദ്ധതിയുടെ പ്രാരംഭ ഘട്ടത്തില്‍ യാത്രക്കാര്‍ക്കും കാല്‍നടയാത്രക്കാര്‍ക്കും സുരക്ഷിതമായ അനുഭവം ഉറപ്പാക്കാന്‍ ഓരോ വാഹനത്തിലും ഒരു സുരക്ഷാ ഓപ്പറേറ്റര്‍ ഉണ്ടായിരിക്കും.