വാഷിങ്‌ടൺ: സാങ്കേതിക തകരാർ മൂലം അമേരിക്കൻ എയർലൈൻസ് മുഴുവൻ വിമാനങ്ങളുടേയും സർവിസ് നിർത്തിവെച്ചു. ക്രിസ്‌മസിന് നാട്ടിലെത്താനിരുന്ന ആയിരക്കണക്കിന് യാത്രക്കാരുടെ പദ്ധതികളാണ് ഇതോടെ അവതാളത്തിലായിരിക്കുന്നത്. ഫെഡറൽ എവിയേഷൻ അതോറിറ്റിയാണ് വിമാനങ്ങളുടെ സർവിസ് നിർത്തുന്ന വിവരം അറിയിച്ചത്.

അതേസമയം, കമ്പനി സർവിസ് നിർത്തുന്നത് എന്തുകൊണ്ടാണെന്ന് വ്യക്തമാക്കിയിട്ടില്ല. അമേരിക്കൻ എയർലൈൻസ് സർവിസ് നിർത്തിയത് മൂലമുണ്ടായ ബുദ്ധിമുട്ടുകൾ വിവരിച്ച് നിരവധി യാത്രക്കാരാണ്  സമൂഹമാധ്യങ്ങളിൽ പോസ്റ്റുകൾ പങ്കുവെച്ചിരിക്കുന്നത്.

വിമാനങ്ങളുടെ സർവിസ് എപ്പോൾ പുനരാരംഭിക്കുമെന്ന് സംബന്ധിച്ച് ഇപ്പോൾ ഒന്നും പറയാനാവില്ലെന്ന് കമ്പനി വിശദീകരിക്കുന്നു. അതേസമയം വിവിധ വിമാനത്താവളങ്ങളിൽ കുടുങ്ങിയ യാത്രക്കാരെ സംബന്ധിച്ചും വിമാന കമ്പനി പ്രതികരിച്ചിട്ടില്ല.

വിമാന സർവിസ് നിർത്തിയെന്ന് പ്രഖ്യാപിച്ചതിന് പിന്നാലെ കമ്പനിയുടെ ഓഹരികൾ 3.8 ശതമാനം ഇടിഞ്ഞു. അതേസമയം, സമൂഹമാധ്യമങ്ങളിൽ വിമാനങ്ങളുടെ സർവിസ് നിർത്തുന്നത് സംബന്ധിച്ച് കമ്പനി ഇതുവരെ അറിയിപ്പുകളൊന്നും നൽകിയിട്ടില്ല. എക്‌സിലെ ചോദ്യങ്ങൾക്ക് മറുപടി നൽകുക മാത്രമാണ് അമേരിക്കൻ എയർലൈൻസ് ചെയയ്തിരിക്കുന്നത്.

American Airlines has temporarily grounded all its flights due to a technical issue, causing widespread disruptions and travel chaos for thousands of passengers.