അൽ ജൗഫ്: സന്ദർശകരെയും വിനോദസഞ്ചാരികളെയും ആകർഷിച്ച് 18-ാമത് അൽ ജൗഫ് ഇൻ്റർനാഷനൽ ഒലിവ് ഫെസ്‌റ്റിവൽ. ജനുവരി 2 മുതൽ 12 വരെ സകാക്കയിലെ പ്രിൻസ് അബ്‌ദുല്ല കൾച്ചറൽ സെൻ്ററിൽ നടക്കുന്ന ഉത്സവത്തിൽ ഒലിവ്, എണ്ണ ഉൽപാദകർ, സംസ്‌കരണ വ്യവസായങ്ങൾ, കമ്പനികൾ, കാർഷിക അസോസിയേഷനുകൾ തുടങ്ങി പ്രാദേശിക, രാജ്യാന്തര പങ്കാളികൾ പങ്കെടുക്കും.

ലോകത്തിലെ ഏറ്റവും വലിയ ഒലിവ് ഫാം ഗിന്നസ് വേൾഡ് റെക്കോർഡ്സ് അനുസരിച്ച് 23 ദശലക്ഷത്തിലധികം മരങ്ങൾ ഉണ്ടെന്ന് അഭിമാനിക്കുന്ന അൽ ജൗഫ് രാജ്യത്തിൻ്റെ 'ഒലിവുകളുടെ നാട്' എന്നാണ് അറിയപ്പെടുന്നത്. 150,000 ടൺ ടേബിൾ ഒലിവാണ് ഈ മരങ്ങൾ പ്രതിവർഷം ഉത്പാദിപ്പിക്കുന്നത്. കൂടാതെ ഈ പ്രദേശത്ത് 16,000 ഒലിവ് ഫാമുകളും കൃഷി പദ്ധതികളും ഉൾപ്പെടുന്നു.

കുടിൽ വ്യവസായം, സംരംഭകർ, ചെറുകിട ബിസിനസുകൾ എന്നിവയിൽ പ്രവർത്തിക്കുന്ന കുടുംബങ്ങളെ അവരുടെ ഉൽപന്നങ്ങൾ പ്രദർശിപ്പിക്കുന്നതിനും വളർച്ച പ്രോത്സാഹിപ്പിക്കുന്നതിനും ഉപഭോക്‌താക്കൾക്കും പങ്കാളികൾക്കും അവരുടെ വ്യാപനം വർധിപ്പിക്കുന്നതിനും പ്രത്യേക ഇടങ്ങൾ നൽകിക്കൊണ്ട് ഈ ഉത്സവം പിന്തുണയ്ക്കുന്നു.

സ്പെയിൻ, ഇറ്റലി, തുർക്കി, ഈജിപ്ത്, ജോർദാൻ, സിറിയ, പലസ്‌തീൻ തുടങ്ങിയ രാജ്യങ്ങളുടെ പങ്കാളിത്തം ഈ വർഷം ഫെസ്‌റ്റിവലിന്റെ രാജ്യാന്തര ആകർഷണം പ്രകടമാക്കുന്നതാണ്. കൂടാതെ, ഈ വർഷത്തെ ഇവൻ്റിൽ 45 കർഷകരും അഞ്ച് കാർഷിക കമ്പനികളും ഉൾപ്പെടുന്നു.

The Al Jouf International Olive Festival in Saudi Arabia has drawn in crowds, showcasing the region's olive production and promoting local culture.