കാഠ്‌മണ്ഡു: നേപ്പാളിലുണ്ടായ ഭൂകമ്പത്തിൽ മരണസംഖ്യ 126 ആയി. 188 പേർക്ക് പരുക്കേറ്റുവെന്ന് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നു. നിരവധി കെട്ടിടങ്ങൾക്കും നാശനഷ്‌ടങ്ങൾ സംഭവിച്ചിട്ടുണ്ട്.

ചൊവ്വാഴ്ച രാവിലെ 6.35-നായിരുന്നു റിക്‌ടർ സ്കെ‌യിലിൽ 7.1 രേഖപ്പെടുത്തിയ ഭൂചലനമുണ്ടായത്. ആദ്യഘട്ട ഭൂചലനത്തിന് ശേഷം ഏഴ് മണിയോടെ 4.7, 4.9 തീവ്രതയിലും ഭൂചലനമുണ്ടായിയെന്ന് നാഷണൽ സെൻ്റർ ഫോർ സീസ്മോളജിയുടെ (എൻസിഎസ്) റിപ്പോർട്ടിൽ പറയുന്നു.

ഉത്തരേന്ത്യയിലും ഭൂചലനത്തിന്റെ പ്രകമ്പനങ്ങൾ അനുഭവപ്പെട്ടു. ഇന്ത്യയിൽ അസം, പശ്ചിമബംഗാൾ എന്നിവിടങ്ങളിലും പ്രകമ്പനം അനുഭവപ്പെട്ടു. ടിബറ്റിൽ ഭൂചലനം മൂലമുണ്ടായ നാശനഷ്‌ടങ്ങളിൽ ഇന്ത്യൻ സർക്കാർ അനുശോചനം അറിയിച്ചു.

നേപ്പാളിന്റെ ഭൂപ്രകൃതിയും അടിക്കടി ഉണ്ടാകുന്ന ഭൂചലനത്തിന് ഒരു കാരണമാണ്. 2015-ലുണ്ടായ ഭൂചലനത്തിൽ 9,000 പേർ മരിക്കുകയും 22,000 പരുക്കേൽക്കുകയും ചെയ്തിരുന്നു. അന്ന് റിക്‌ടർ സ്കെയിലിൽ 7.8 തീവ്രതയാണ് രേഖപ്പെടുത്തിയത്.

The death toll from the recent earthquake in Nepal has increased to 126, with 188 people injured.