കൊച്ചി: ഐെസ്എൽ മുൻ ചാംമ്പ്യൻമാരായ മോഹൻ ബ​ഗാനോട് ഏകപക്ഷീയമായ മൂന്ന് ​ഗോളിന് തോറ്റ് കേരള ബ്ലാസ്റ്റേഴ്സ്. സ്വന്തം മൈതാനത്ത് നടന്ന മത്സരത്തിലാണ് ബ്ലാസ്റ്റേഴ്സിന്റെ ദയനീയ പരാജയം. ആദ്യ പകുതിയിൽ ജാമി മക്ലാരൻ നേടിയ ഇരട്ട ​ഗോളിന്റെയും 60-ാം മിനിറ്റിൽ ആൽബർട്ടോ റോഡ്രി​ഗസ് നേടിയ ​ഗോളിന്റെയും ബലത്തിലാണ് മോഹൻ ബ​ഗാന്റെ വിജയം. ബ്ലാസ്റ്റേഴ്സായിരുന്നു മത്സരത്തിൽ ഏറെ നേരം പന്ത് കൈവശം വെച്ചത്, 67 ശതമാനമായിരുന്നു ബോൾ പൊസെഷൻ. അതേസമയം, മികച്ച അവസരങ്ങൾ സൃഷ്ടിക്കാനോ ലഭിച്ച അവസരങ്ങൾ ​ഗോളാക്കി മാറ്റാനോ ബ്ലാസ്റ്റേഴ്സിന് സാധിച്ചില്ല.

പന്ത് കാലിൽ കുരുത്തപ്പോഴൊക്കെ മോഹൻ ബ​ഗാൻ താരങ്ങൾ ബ്ലാസ്റ്റേഴ്സ് ​ഗോൾ മുഖത്ത് അപകടം വിതച്ചു. ബ​ഗാനെടുത്ത 13 ഷോട്ടുകളിൽ നാലെണ്ണം ടാർ​ഗറ്റിലേക്കും അതിൽ മൂന്നെണ്ണം ​ഗോളിലും കലാശിച്ചു. അതേസമയം, ബ്ലാസ്റ്റേഴ്സിനാകട്ടെ കേവലം രണ്ട് ഷോട്ടുകൾ മാത്രമാണ് ​ഗോളിലേക്ക് തൊടുക്കാനായത്. ബ​ഗാനെതിരായ പരാജയത്തോടെ ബ്ലാസ്റ്റേഴ്സിന്റെ സെമി സാധ്യതകൾ ഏറെക്കുറെ അവസാനിച്ച മട്ടാണ്.

20 കളികളിൽ നിന്ന് 24 പോയിന്റുള്ള ബ്ലാസ്റ്റേഴ്സ്  എട്ടാം സ്ഥാനത്തും, 21 കളികളിൽ നിന്ന് 49 പോയിന്റുള്ള മോഹൻ ബ​ഗാൻ പട്ടികയിൽ ഒന്നാമതുമാണ്. ബ​ഗാൻ ടീം സെമി ഉറപ്പിക്കുകയും ചെയ്തു. 

Kerala Blasters faced a disappointing 3-goal loss to Mohun Bagan on their home turf, marking a setback for the team.