ന്യൂഡല്‍ഹി: വയനാട് ഉരുള്‍പൊട്ടല്‍ ദുരന്തത്തില്‍ കേന്ദ്ര സര്‍ക്കാര്‍ സഹായധനായി 530 കോടി രൂപ നല്‍കിയെന്ന് അമിത് ഷാ. ഇതില്‍ ദുരന്തമേഖലയിലെ അവശിഷ്ടങ്ങള്‍ മാറ്റാനായി നല്‍കിയ 36 കോടി രൂപ കേരളം ഇതുവരെ ചിലവഴിച്ചിട്ടില്ലെന്നും അമിത് ഷാ കുറ്റപ്പെടുത്തി. രാജ്യസഭയിലാണ് കേന്ദ്ര ആഭ്യന്തര മന്ത്രിയുടെ പരാമര്‍ശം. 

പുനരധിവാസത്തിനായി 2,219 കോടി രൂപയാണ് കേരളം ആവശ്യപ്പെട്ടത്. അതില്‍ 530 കോടി രൂപ പല ഘട്ടങ്ങളിലായി അനുവദിച്ചു. ദുരന്ത സമയത്ത് ദേശീയ ദുരന്ത നിവാരണ ഫണ്ടില്‍ നിന്ന് 215 കോടി രൂപയും, പിന്നീട് മന്ത്രിതല സമിതിയുടെ റിപ്പോര്‍ട്ടിന്റെ അടിസ്ഥാനത്തില്‍ 153 കോടി രൂപയു നല്‍കി. ഇതില്‍ നിന്ന് 36 കോടി രൂപ കേരള സര്‍ക്കാര്‍ ഇതുവരെ ചിലവഴിച്ചിട്ടില്ല,' അമിത് ഷാ സഭയില്‍ പറഞ്ഞു. 

ദുരന്തബാധിത മേഖലയില്‍ തുടര്‍ സഹായങ്ങള്‍ മാനദണ്ഡങ്ങളനുസരിച്ച് നല്‍കുമെന്നും, എല്ലാ സംസ്ഥാനങ്ങളെയും കേന്ദ്ര സര്‍ക്കാര്‍ തുല്യമായാണ് പരിഗണിക്കുന്നതെന്നും അമിത് ഷാ കൂട്ടിച്ചേര്‍ത്തു. മാത്രമല്ല വിഷയങ്ങളില്‍ രാഷ്ട്രീയം കലര്‍ത്തരുതെന്നും കേന്ദ്ര മന്ത്രി പറഞ്ഞു.

mit Shah stated that the central government has provided ₹530 crore in aid for the Wayanad landslide disaster. but Kerala has not yet spent ₹36 crore, which was allocated for clearing the debris in the disaster-affected areas.