ചെറിയ പെരുന്നാൾ അവധിക്കാലത്ത് പൊതുജനങ്ങൾക്കുള്ള നിർദേശങ്ങൾ നൽകിയിരിക്കുകയാണ് അബൂദബി പൊലിസും, അബൂദബി സിവിൽ ഡിഫൻസ് അതോറിറ്റിയും. പൊതുജനങ്ങളുടെ ജീവനും സ്വത്തിനും സംരക്ഷണം നൽകുന്നതിനായി തയ്യാറാക്കിയിട്ടുള്ള മുൻകരുതലുകൾ പാലിക്കണമെന്ന് അധികൃതർ അറിയിച്ചു. 

ട്രാഫിക് നിയമങ്ങൾ പാലിക്കൽ, വേഗത നിയന്ത്രണം, അടിയന്തിര വാഹനങ്ങൾക്ക് വഴിയൊരുക്കൽ എന്നിങ്ങനെ സുരക്ഷിതമായ ഡ്രൈവിംഗ് രീതികളിൽ പാലിക്കണമെന്ന് ഈ മാർഗ്ഗനിർദ്ദേശങ്ങൾ വ്യക്തമാക്കുന്നു. അശ്രദ്ധമായ ഡ്രൈവിംഗ്, സ്റ്റണ്ടുകൾ എന്നിവ ഒഴിവാക്കാനും മോട്ടോറിസ്റ്റുകൾക്ക് നിർദേശം നൽകിയിട്ടുണ്ട്.

പടക്കങ്ങൾ കൈകാര്യം ചെയ്യുമ്പോൾ സൂക്ഷിക്കണമെന്ന് നിവാസികൾക്ക് മുന്നറിയിപ്പ് നൽകിയിട്ടുണ്ട്. കൂടാതെ, സുരക്ഷാ മാനദണ്ഡങ്ങൾ പാലിക്കുന്ന ചാർജറുകൾ, എക്സ്റ്റൻഷൻ കേബിളുകൾ, ഇലക്ട്രോണിക് ഉപകരണങ്ങൾ എന്നിവ മാത്രമേ ഉപയോഗിക്കാവൂ എന്നും നിർദ്ദേശം നൽകി. കുട്ടികൾ പ്രധാന റോഡുകൾ ഉപയോ​ഗിക്കുമ്പോൾ സൂക്ഷിക്കണമെന്നും, കുട്ടികൾ റോഡുകൾ മുറിച്ചുകടക്കുമ്പോൾ മാതാപിതാക്കൾ ശ്രദ്ധിക്കണമെന്നും അതോറിറ്റി അറിയിച്ചു.  

അന്താരാഷ്ട്ര തലത്തിലെ മികച്ച രീതികൾ ഉപയോ​ഗിച്ചുകൊണ്ട്, ചെറിയ പെരുന്നാൾ അവധിക്കാലത്ത് അടിയന്തര സാഹചര്യങ്ങൾ നേരിടാനും, സുഗമമായ ഗതാഗതം നിലനിർത്താനും, പൊതു സുരക്ഷ ഉറപ്പാക്കാനുമുള്ള അതോറിറ്റിയുടെ നിരന്തര ശ്രമങ്ങളുടെ ഭാഗമാണ് ഈ തീരുമാനങ്ങൾ.

Abu Dhabi has released safety guidelines for the upcoming Eid Al-Fitr holidays, urging residents and visitors to follow precautionary measures to ensure a safe and joyful celebration. Authorities emphasize adherence to traffic rules, public safety protocols, and COVID-19 precautions (if applicable). Stay informed and enjoy a secure festive season!