ദോഹ: ഓടുന്ന വാഹനങ്ങളിൽ കുട്ടികളെ ഇരുത്തുന്നതുമായി ബന്ധപ്പെട്ട് ഡ്രൈവർമാർക്ക് മുന്നറിയിപ്പുമായി ഖത്തർ ആഭ്യന്തര മന്ത്രാലയം (MoI). കുട്ടികളുടെ സുരക്ഷ ഉറപ്പാക്കുക എന്നത് ഒഴിവാക്കാനാവാത്ത ഒരു ഉത്തരവാദിത്തമാണ്, ഓപ്ഷനല്ല എന്നും മന്ത്രാലയം വ്യക്തമാക്കി. 

പ്രധാന നിർദ്ദേശങ്ങൾ

• പത്ത് വയസ്സിന് താഴെയുള്ള കുട്ടികളെ വാഹനത്തിന്റെ മുൻസീറ്റിൽ ഇരുത്തുന്നത് ഗുരുതരമായ നിയമലംഘനമാണ്. ട്രാഫിക് നിയമത്തിലെ ആർട്ടിക്കിൾ (55)-ന്റെ ക്ലോസ് (3) പ്രകാരം ഇത് കുട്ടികളുടെ സുരക്ഷയ്ക്ക് അപകടമുണ്ടാക്കുന്ന പ്രവൃത്തിയാണ്. 
• ഒരു വാഹനാപകടമുണ്ടായാൽ, മുൻസീറ്റിലിരിക്കുന്ന പത്ത് വയസ്സിൽ താഴെയുള്ള കുട്ടികൾക്ക് മുതിർന്നവരെ അപേക്ഷിച്ച് എട്ട് മടങ്ങ് കൂടുതൽ ഗുരുതരമായ പരുക്കുകൾ സംഭവിക്കാൻ സാധ്യതയുണ്ടെന്ന് മന്ത്രാലയം വ്യക്തമാക്കി. 

ALSO READ: അൽ ഐനിൽ ആദ്യമായി 'മനാർ അബൂദബി'; രാത്രിയിൽ പ്രകാശപൂരിതമായി ഈന്തപ്പനത്തോട്ടങ്ങൾ

• മുതിർന്നവർക്ക് വേണ്ടിയാണ് എയർബാ​ഗ് രൂപകൽപ്പന ചെയ്തിരിക്കുന്നത്. അതിന്റെ ശക്തിയും കുട്ടികളുടെ ചെറിയ ശരീരവും അപകടത്തിൽ കുട്ടികൾക്കുണ്ടാകുന്ന പരുക്ക് മാരകമാകാൻ ഇടവരുത്തുമെന്നും എന്നും മന്ത്രാലയം ചൂണ്ടിക്കാട്ടി.
• കുട്ടികളെ എപ്പോഴും പിൻസീറ്റിൽ മാത്രമേ ഇരുത്താവൂ. കുട്ടിയുടെ പ്രായത്തിനും ഭാരത്തിനും അനുയോജ്യമായ സുരക്ഷാ സീറ്റിൽ (child safety seat) അവരെ ഇരുത്തണം.
• സുരക്ഷാ സീറ്റ് കൃത്യമായി ഉറപ്പിച്ചിട്ടുണ്ടെന്നും എല്ലാ യാത്രകളിലും സീറ്റ് ബെൽറ്റുകൾ ഉപയോഗിക്കുന്നുണ്ടെന്നും മുതിർന്നവർ ഉറപ്പാക്കണം.
• ഒരു കാരണവശാലും കുട്ടിയെ വാഹനത്തിനുള്ളിൽ തനിച്ചാക്കി പോകരുത്.

The Qatar Ministry of Interior (MoI) has issued a warning to drivers regarding the importance of ensuring child safety while transporting them in vehicles. The ministry emphasized that ensuring the safety of children is an indispensable responsibility and not an option.