കുവൈത്ത് സിറ്റി: വേനല്‍ക്കാലത്തെ വൈദ്യുതി ഉപഭോഗം കുതിച്ചുയരുന്നതിനാലും ആറ് ഗവര്‍ണറേറ്റുകളിലെ ചില സെക്കന്‍ഡറി സബ്‌സ്റ്റേഷനുകളില്‍ അറ്റകുറ്റപ്പണികള്‍ നടത്തുന്നതിനാലും ശനിയാഴ്ച മുതല്‍ ഒരാഴ്ച പവര്‍ കട്ട് ഏര്‍പ്പെടുത്താന്‍ കുവൈത്ത്.  

അറ്റകുറ്റപ്പണി ഷെഡ്യൂളില്‍ പട്ടികപ്പെടുത്തിയിരിക്കുന്ന നിര്‍ദ്ദിഷ്ട പ്രദേശങ്ങളും സമയങ്ങളും അനുസരിച്ച് വൈദ്യുതി തടസ്സപ്പെടുമെന്ന് കുവൈത്ത് വൈദ്യുതി മന്ത്രാലയം അറിയിച്ചു.

'ജോലിയുടെ സ്വഭാവവും സാഹചര്യങ്ങളും അനുസരിച്ച് അറ്റകുറ്റപ്പണിയുടെ സമയപരിധി നീളുകയോ കുറയുകയോ ചെയ്യും,' മന്ത്രാലയം ഒരു എക്‌സ് പോസ്റ്റില്‍ പറഞ്ഞു.

إعلان هام | Important Announcement

أعمال الصيانة لبعض محطات التحويل الثانوية في المحافظات الست من تاريخ 05/04/2025 الى تاريخ 12/04/2025

كما يمكنك الاطلاع على جدول الصيانة عن طريق الرابط التالي:https://t.co/izgGPAHS5x

Maintenance work will begin for secondary substations in… pic.twitter.com/szT6ERNHu1

— وزارة الكهرباء والماء والطاقة المتجددة 🇰🇼 (@mew_kwt) April 4, 2025

വേനല്‍ക്കാലത്ത് പൂര്‍ണ്ണമായ തോതില്‍ പ്രവര്‍ത്തിക്കാനുള്ള തയ്യാറെടുപ്പിനായി ഉയര്‍ന്ന വൈദ്യുതി ലോഡും ചില വൈദ്യുതി ഉല്‍പാദന യൂണിറ്റുകളുടെ അറ്റകുറ്റപ്പണികളും കാരണം രാജ്യത്തെ എട്ട് കാര്‍ഷിക, വ്യാവസായിക മേഖലകളിലെ ചില ഭാഗങ്ങളില്‍ വൈദ്യുതി വിച്ഛേദിക്കുമെന്ന് ബുധനാഴ്ച മന്ത്രാലയം പ്രഖ്യാപിച്ചിരുന്നു.

വര്‍ധിച്ചുവരുന്ന ആവശ്യകത നിറവേറ്റുന്നതിന് വൈദ്യുതി ഉപയോഗം കുറയ്ക്കാന്‍ അധികാരികള്‍ പൗരന്മാരോടും പ്രവാസികളോടും ആവര്‍ത്തിച്ച് അഭ്യര്‍ത്ഥിച്ചിട്ടുണ്ട്.

കഴിഞ്ഞ വേനല്‍ക്കാലത്ത് ഉയര്‍ന്ന താപനിലയെത്തുടര്‍ന്ന് വൈദ്യുതി ഉപഭോഗം കുതിച്ചുയര്‍ന്നതിനെത്തുടര്‍ന്ന് രാജ്യത്തെ 40 ലധികം പ്രദേശങ്ങളില്‍ വൈദ്യുതി തടസ്സം നേരിട്ടിരുന്നു. ഇതിനെത്തുടര്‍ന്നാണ് കുവൈത്ത് ആദ്യമായി താല്‍ക്കാലിക റോളിംഗ് പവര്‍കട്ട് ഏര്‍പ്പെടുത്തിയത്.

Electricity consumption in Kuwait is rising rapidly, putting pressure on the power grid. Authorities may implement another round of power cuts to manage the demand and prevent outages during the peak summer season.