ദുബൈ/ദോഹ: ഇന്ത്യാ- പാക് സംഘര്‍ഷാവസ്ഥ ഗള്‍ഫ് സെക്ടറിലെ വിമാന സര്‍വിസുകളെ ബാധിച്ചു. നിരവധി വിമാനങ്ങള്‍ റദ്ദാക്കുകയോ വൈകുകയും ചെയ്തു. വിമാനത്താവളങ്ങളിലേക്ക് പുറപ്പെടുന്നതിന് മുമ്പായി യാത്രക്കാര്‍ വിമാനത്തിന്റെ സ്റ്റാറ്റസ് ചെക്ക് ചെയ്യണമെന്ന് കമ്പനികള്‍ നിര്‍ദേശം നല്‍കി. പ്രധാനമായും യുഎഇയിലേക്കും തിരിച്ചുമുള്ള സര്‍വിസുകളെയാണ് ബാധിച്ചത്.

ദുബായ് ആസ്ഥാനമായുള്ള വിമാനക്കമ്പനികളായ എമിറേറ്റ്‌സും ഫ്‌ലൈദുബായും വിമാനത്താവളത്തിന്റെ വെബ്‌സൈറ്റ് പ്രകാരം കാലതാമസവും റദ്ദാക്കലും റിപ്പോര്‍ട്ട് ചെയ്തിട്ടുണ്ട്.

റദ്ദാക്കിയ വിമാനങ്ങള്‍

• Multan (MUX): FZ 340

• Lahore (LHE): EK 623, AC 7617, FZ 360

• Sialkot (SKT): EK 619, FZ 338

• Karachi (KHI): FZ 332

• Faisalabad (LYP): FZ 356

• Islamabad (ISB): FZ 354

വൈകിയ വിമാനങ്ങള്‍

• Lahore (LHE): PA 416, EK 625, AC 7579

• Sialkot (SKT): PK 179

• Islamabad (ISB): PA 210, EK 613, AC 7571

• Multan (MUX): FZ 326

• New Delhi (DEL): EK 513

• Peshawar (PEW): EK 637

അബുദാബി വിമാനങ്ങള്‍ 

വ്യോമമേഖലയിലെ പ്രവര്‍ത്തനങ്ങളെ വ്യോമാതിര്‍ത്തി നിയന്ത്രണങ്ങള്‍ തുടര്‍ന്നും തടസ്സപ്പെടുത്തുന്നതിനാല്‍ സായിദ് അന്താരാഷ്ട്ര വിമാനത്താവളത്തില്‍ നിന്നുള്ള നിരവധി വിമാനങ്ങള്‍ റദ്ദാക്കി.

റദ്ദാക്കിയ വിമാനങ്ങള്‍: 

Etihad Airways (EY297) – Karachi

Pakistan International Airlines (PK264) – Lahore

Air Arabia Abu Dhabi (3L335) – Multan

ഖത്തര്‍ എയര്‍വേയ്‌സ് പാക് സര്‍വിസ് നിര്‍ത്തിവച്ചു

പാകിസ്ഥാന്‍ വ്യോമാതിര്‍ത്തി അടച്ചതിനെത്തുടര്‍ന്ന് ഖത്തര്‍ എയര്‍വേയ്‌സ് പാകിസ്ഥാനിലേക്കുള്ള എല്ലാ വിമാനങ്ങളും താല്‍ക്കാലികമായി നിര്‍ത്തിവച്ചു. സ്ഥിതിഗതികള്‍ സൂക്ഷ്മമായി നിരീക്ഷിക്കുന്നുണ്ടെന്നും യാത്രക്കാരുടെയും ജീവനക്കാരുടെയും സുരക്ഷയാണ് തങ്ങളുടെ മുന്‍ഗണനയെന്ന് എയര്‍ലൈന്‍ വീണ്ടും സ്ഥിരീകരിച്ചു.

യാത്രക്കാര്‍ qatarairways.com സന്ദര്‍ശിക്കുകയോ +974 4144 5555 എന്ന നമ്പറില്‍ ബന്ധപ്പെടുകയോ ചെയ്ത് പുതിയ അപ്‌ഡേറ്റുകള്‍ പരിശോധിക്കണമെന്ന് അധികൃതര്‍ നിര്‍ദേശിച്ചു.

അതേസമയം, ലുഫ്താന്‍സ, എയര്‍ ഫ്രാന്‍സ്, ബ്രിട്ടീഷ് എയര്‍വേയ്‌സ് എന്നിവയുള്‍പ്പെടെയുള്ള പ്രധാന യൂറോപ്യന്‍ വിമാനക്കമ്പനികള്‍ പാകിസ്ഥാന്‍ വ്യോമാതിര്‍ത്തി ഒഴിവാക്കാന്‍ നേരത്തെ തന്നെ അവരുടെ വിമാനങ്ങള്‍ വഴിതിരിച്ചുവിട്ടിരുന്നു.

ഇന്ന് പാകിസ്ഥാനിലേക്കുള്ള വിമാന സര്‍വീസുകള്‍ നിര്‍ത്തിവച്ചതായി ഫ്‌ലൈദുബായ് അറിയിച്ചു. കറാച്ചിയിലെ ജിന്ന ഇന്റര്‍നാഷണല്‍ എയര്‍പോര്‍ട്ട് (KHI) ഒഴികെയുള്ള പാകിസ്ഥാന്‍ വ്യോമാതിര്‍ത്തി അടച്ചതിനാല്‍ ഫ്‌ലൈദുബായുടെ ചില വിമാനങ്ങള്‍ വഴിതിരിച്ചുവിട്ടു.

സ്ഥിതിഗതികള്‍ സൂക്ഷ്മമായി നിരീക്ഷിക്കുകയും അതിനനുസരിച്ച് ഞങ്ങളുടെ ഫ്‌ലൈറ്റ് ഷെഡ്യൂള്‍ ഭേദഗതി ചെയ്യുകയും ചെയ്യും- എയര്‍ലൈന്‍ വക്താവ് പറഞ്ഞു. യാത്രക്കാര്‍ അവരുടെ റീബുക്കിംഗ് അല്ലെങ്കില്‍ റീഫണ്ട് ഓപ്ഷനുകള്‍ക്കായി ദുബായിലെ (+971) 600 54 44 45 എന്ന ഫ്‌ലൈദുബായ് കോണ്‍ടാക്റ്റ് നമ്പറിലോ, ഫ്‌ലൈദുബായ് ട്രാവല്‍ ഷോപ്പുമായോ അല്ലെങ്കില്‍ അവരുടെ ട്രാവല്‍ ഏജന്റുമായോ ബന്ധപ്പെടാന്‍ നിര്‍ദ്ദേശിക്കുന്നു- കമ്പനി പ്രസ്താവനയില്‍ പറഞ്ഞു.

യുഎഇ ആസ്ഥാനമായ മറ്റ് വിമാനക്കമ്പനികളായ എമിറേറ്റ്‌സ്, ഇത്തിഹാദ്, എയര്‍ അറേബ്യ എന്നിവരുടെ സര്‍വിസകളെയും ബാധിച്ചിട്ടുണ്ട്.

ദുബൈയില്‍ നിന്ന് പാകിസ്ഥാനിലേക്കുള്ള കുറഞ്ഞത് മൂന്ന് എമിറേറ്റ്‌സ് വിമാനങ്ങളെങ്കിലും ഇന്ന് റദ്ദാക്കി. DXB ടെര്‍മിനല്‍ 3 ല്‍ നിന്ന് പുലര്‍ച്ചെ 3.10 ന് പുറപ്പെടേണ്ടിയിരുന്ന EK 624, പെഷവാറിലേക്കും ഇസ്ലാമാബാദിലേക്കും യഥാക്രമം EK 636, EK 612 വിമാനങ്ങളും റദ്ദാക്കി. ഇസ്ലാമാബാദില്‍ നിന്ന് ദുബൈയിലേക്ക് പോകേണ്ട പാകിസ്ഥാന്‍ എയര്‍ലൈന്‍ / എയര്‍ബ്ലൂ (PA 210) റദ്ദാക്കി.

ചില എമിറേറ്റ്‌സ് വിമാനങ്ങള്‍ മണിക്കൂറുകളോളം വൈകി. ഇസ്ലാമാബാദില്‍ നിന്നുള്ള EK 619 വിമാനം ആറ് മണിക്കൂറും EK 623 അഞ്ച് മണിക്കൂറും വൈകി. മറ്റൊരു PIA വിമാനമായ PA 416 പന്ത്രണ്ട് മണിക്കൂര്‍ ആണ് വൈകിയത്.

Some airports shut, flights cancelled amid India-Pakistan war situation