ഇരുമ്പന്‍ പുളിയുടെ നീരെടുത്ത് സ്റ്റീല്‍പാത്രങ്ങള്‍ കഴുകിയാല്‍ സ്റ്റീല്‍ പാത്രങ്ങള്‍, സിങ്ക് എന്നിവ പുതിയപോലെ ഇരിക്കും. 

തേങ്ങാമുറി കേടാവാതിരിക്കാന്‍ കുറച്ച് ഉപ്പ് തേങ്ങാമുറിയില്‍ പുരട്ടിവച്ചാല്‍ മതിയാവും. രണ്ടോമൂന്നോ ദിവസം ഇതിങ്ങനെ ഫ്രഷായിരിക്കും.

പഞ്ചസാര പാത്രത്തില്‍ ഉറുമ്പ് കയറുന്നുണ്ടോ? എങ്കില്‍ രണ്ടോ മൂന്നോ ഗ്രാമ്പു പഞ്ചസാര പാത്രത്തില്‍ ഇട്ടുവച്ചാല്‍ മതി.

അരിയില്‍ ചാഴി വരുന്നുണ്ടെങ്കില്‍ കുറച്ച് ആര്യവേപ്പില കൈ കൊണ്ട് തിരുമ്മി അരിയില്‍ ഇട്ടുവയ്ക്കാം. 

വെളിച്ചെണ്ണയില്‍ അല്‍പം കല്ലുപ്പ് ഇട്ടുവച്ചാല്‍ ഈര്‍പ്പം വന്ന് കേടാവുന്നത് ഒഴിവാക്കാന്‍ സാധിക്കും. കല്ലുപ്പ് അലിയുകയില്ല.