കോഴിക്കോട് : ഉന്നത വിദ്യാഭ്യാസത്തിലേക്കുള്ള വഴികാട്ടിയായി സുപ്രഭാതം സംഘടിപ്പിക്കുന്ന എജ്യുഎക്‌സ്‌പോയ്ക്ക് തുടക്കമായി. കൊടുവള്ളി എളേറ്റിൽ വട്ടോളി മെറുസില കൺവെൻഷൻ സെന്ററിൽ രണ്ട് ദിവസം നീണ്ടു നിൽക്കുന്ന എക്‌സ്‌പോ ഹംദുല്ല സഈദ് എം.പി ഉദ്ഘാടനം ചെയ്തു. സമസ്ത വിദ്യാഭ്യാസ ബോർഡ് മാനേജർ കെ. മോയിൻ കുട്ടി മാസ്റ്റർ അധ്യക്ഷനായി. നജീബ് കാന്തപുരം എം.എൽ.എ, സുപ്രഭാതം ഡയരക്ടർ ബോർഡ് അംഗം സുലൈമാൻ ദാരിമി ഏലംകുളം, സി.ഇ.ഒ മുസ്തഫ മുണ്ടുപാറ, മാനേജിങ് എഡിറ്റർ ടി.പി ചെറൂപ്പ, മുൻ ജില്ല പഞ്ചായത്ത് അംഗം എം.എ ഗഫൂർ, ബ്ലോക്ക് പഞ്ചായത്ത് അംഗം ടി.എം രാധാകൃഷ്ണൻ, സംഘാടകസമിതി കൺവീനർ മുജീബ് ചളിക്കോട് സംസാരിച്ചു. സുപ്രഭാതം ഡി.ജി.എം വി. അസ്‌ലം, സംഘാടക സമിതി ചെയർമാൻ സൈനുൽ ആബിദീൻ തങ്ങൾ, ഡോ. മായിൻഖാൻ സംബന്ധിച്ചു. 

എസ്.എസ്.എൽ.സി പരീക്ഷയിൽ മികച്ച വിജയം നേടിയ എം.ജെ.എച്ച്.എസ്.എസിനുള്ള ഉപഹാരം പ്രധാനധ്യാപകൻ പി.പി ഇസ്മയിലും പുത്തൂർ എച്ച്.എസ്.എസിനുള്ള ഉപഹാരം അധ്യാപകൻ സിറാജുദ്ദീൻ പന്നിക്കോട്ടൂരും ഹംദുല്ല സഈദ് എം.പിയിൽ നിന്ന് ഏറ്റുവാങ്ങി. 
തുടർന്ന് എക്‌സ്‌പോയിലെ സ്റ്റാളുകളുടെ പ്രദർശനോദ്ഘാടനം ഹംദുല്ല സഈദ് എം.പി നിർവഹിച്ചു. ഉദ്ഘാടന സെക്ഷന് ശേഷം കരിയർഗുരു എം.എസ് ജലീൽ ക്ലാസെടുത്തു. ഉച്ചയ്ക്ക് ശേഷം നടന്ന  സെക്ഷനിൽ മജീഷ്യൻ ഗോപിനാഥ് മുതുകാട് ക്ലാസെടുക്കുകയും വിദ്യാർഥികളുമായി സംവദിക്കുകയും ചെയ്തു. എജ്യുപോർട്ട് സ്ഥപകൻ അജാസ് മുഹമ്മദും വിദ്യാർഥികൾക്ക് ക്ലാസെടുത്തു. ഇന്ന് നടക്കുന്ന പരിപാടിയിൽ ഷാഹിദ് തിരുവള്ളൂർ ഐ.ഐ.എസ്, എസ്.വി മുഹമ്മദലി എന്നിവർ ക്ലാസുകൾ നയിക്കും.