പാലക്കാട്: മലമ്പുഴ ഡാമില്‍ സഹോദരങ്ങള്‍ മുങ്ങി മരിച്ചു. പാലക്കാട് പൂളക്കാട് സ്വദേശി നസീഫിന്റെ മക്കളായ മുഹമ്മദ് നിഹാല്‍(20), ആദില്‍(16) എന്നിവരാണ് മരിച്ചത്. ഇന്നലെ വൈകുന്നേരം ഇരുവരും കുളിക്കാന്‍ ഇറങ്ങിയതായിരുന്നു. കുളിക്കുന്നതിനിടയില്‍ വെള്ളത്തില്‍ മുങ്ങിത്താഴുകയായിരുന്നു ഇരുവരും.

ഇവരെ കാണാതായതിനെ തുടര്‍ന്നാണ് പരിശോധന നടത്തിയത്. നിഹാലിന്റെ ഫോണിന്റെ ലൊക്കേഷന്‍ നോക്കിയാണ് വെള്ളത്തില്‍ മുങ്ങിയതാണെന്ന് കണ്ടെത്തിയത്. തുടര്‍ന്നുള്ള തിരച്ചിലില്‍ പുലര്‍ച്ചെയാണ് മൃതദേഹം കിട്ടുന്നത്. ആശുപത്രിയിലേക്കു മാറ്റിയ മൃതദേഹങ്ങള്‍ പോസ്റ്റ്‌മോര്‍ട്ടത്തിനു ശേഷം കുടുംബത്തിനു വിട്ടുനല്‍കും.