മലപ്പുറം: മലപ്പുറം അടക്കാക്കുണ്ടില്‍ കടുവയുടെ ആക്രമണം. യുവാവിന് ദാരുണാന്ത്യം. ടാപ്പിങ് തൊഴിലാളിയായ ഗഫൂര്‍ ആണ് മരിച്ചത്. 
ഇന്ന് പുലര്‍ച്ചെയോടെയാണ് കടുവയുടെ ആക്രമണമുണ്ടായത്. ടാപ്പിങ്ങിന് പോയ സമയത്ത് കടുവ അക്രമിക്കുയായിരുന്നു. കടുവയെക്കണ്ടപ്പോള്‍ കൂടെയുണ്ടായിരുന്നവര്‍ ഓടി രക്ഷപ്പെട്ടു. പിന്നീട് നാട്ടുകാര്‍ നടത്തിയ തെരച്ചിലിലാണ് ഗഫൂറിന്റെ മൃതദേഹം കണ്ടെത്തിയത്.

സംഭവത്തില്‍ പ്രദേശത്ത് നാട്ടുകാര്‍ പ്രതിഷേധിക്കുകയാണ്.സ്ഥലത്തെത്തിയ ഡിഎഫ്ഒയെ നാട്ടുകാര്‍ തടഞ്ഞു. എ.പി അനില്‍കുമാര്‍ എം.എല്‍.എയും സ്ഥലത്തെത്തിയിട്ടുണ്ട്. 

മരിച്ചയാളുടെ കുടുംബത്തിന് നഷ്ടപരിഹാരം കൊടുക്കണമെന്നും കടുവയെ വെടിവെച്ച് കൊല്ലണമെന്നും നാട്ടുകാര്‍ ആവശ്യപ്പെടുന്നു. കടുവയെ പിടികൂടുമെന്ന് രേഖാമൂലം എഴുതി നല്‍കണമെന്നും ആവശ്യമുന്നയിച്ച പ്രതിഷേധക്കാര്‍ ഇങ്ങനെ എഴുതി നല്‍കിയാല്‍ മാത്രമേ മൃതദേഹം വിട്ടുനല്‍കൂവെന്നും വ്യക്തമാക്കി.