ഗൂഗിളിന് ഇനി പുതിയ മുഖം. ഗൂഗിള്‍ ലോഗോയില്‍ മാറ്റം വരുത്തി. പത്തുവര്‍ഷത്തിന് ശേഷമാണ് കമ്പനി രൂപമാറ്റം നടത്തിയിരിക്കുന്നത്. വര്‍ഷങ്ങളായി ഉണ്ടായിരുന്ന ചുവപ്പ്, മഞ്ഞ, പച്ച, നീല എന്നീ നിറങ്ങള്‍ നിലനിര്‍ത്തികൊണ്ടാണ് പുതിയ ലോഗോയും. മുന്‍പ് ഈ നിറങ്ങള്‍ 'G' ലോഗോയില്‍ ഓരോ ബ്ലോക്കുകളായിട്ടാണ് നല്‍കിയിരുന്നതെങ്കില്‍ ,ഇപ്പോഴുള്ള ലോഗോയില്‍ മുഴുവന്‍ നിറങ്ങളും സംയോജിപ്പിച്ചു കൊണ്ടുള്ള ഗ്രേഡിയന്റായിട്ടാണ് ക്രമീകരിച്ചിരിക്കുന്നത്.

അതേസമയം നിലവില്‍ പിക്‌സല്‍ ,ഐഒഎസ് ഫോണുകളിലാണ് ഇത് ലഭ്യമാവുക. വരും ആഴ്ചകളില്‍ മറ്റ് പ്ലാറ്റ്‌ഫോമുകളില്‍ നിന്ന് പഴയവ നീക്കം ചെയ്യപെടുമെന്നും പുതിയത് ലഭ്യമാകുമെന്നുമാണ് റിപ്പോര്‍ട്ടുകള്‍.2015 ല്‍ ആയിരുന്നു ഗൂഗിള്‍ അവസാനമായി ലോഗോയില്‍ മാറ്റം കൊണ്ടുവന്നത്. എ ഐ യുടെ വരവോടെ സാങ്കേതിക മേഖലയില്‍ വന്‍ മാറ്റങ്ങളാണ് ഉണ്ടായിരിക്കുന്നത് , ഇതിന്റെ ഭാഗമായാണ് ഗൂഗിളിന്റെയും ഈ പുതിയ രൂപമാറ്റമെന്നാണ് ടെക് ലോകം പറയുന്നത്.