കോഴിക്കോട് : വിദ്യാർഥികളുടെ സ്വപ്നസാക്ഷാത്കാരത്തിലേക്ക് കൈപിടിച്ചുയർത്തി എക്സ്പോയിലെ സ്റ്റാളുകൾ. ഉപരിപഠനത്തിന്റെ സാധ്യതകളും കോഴ്സുകളും അവ പഠിക്കാനുള്ള സ്ഥാപനങ്ങളും ലഭിക്കുന്ന ജോലിയും ശമ്പളവുമുൾപ്പെടെ എല്ലാ വിവരങ്ങളും നൽകുന്നതാണ് സ്റ്റാളുകൾ. ഇന്ത്യയിലെ അറിയപ്പെടുന്ന വിദ്യാഭ്യാസ സ്ഥാപനങ്ങളുടെ സ്റ്റാളുകളാണ് എക്സ്പോയിലുള്ളത്. മൊബൈൽ ഫോൺ ടെക്നോളജി മുതൽ എം.ബി.ബി.എസ് പഠനം, വിദേശ സർവകലാശാലയിലെ കോഴ്സുകൾ, സീറ്റുകളുടെ എണ്ണം തുടങ്ങി എല്ലാ വിവരങ്ങളും വിവിധ സ്റ്റാളുകളിൽനിന്ന് വിദ്യാർഥികൾക്ക് അറിയാനുള്ള സൗകര്യമുണ്ട്. ഓരോ സ്റ്റാളിലും സംശയ ദൂരീകരണത്തിന് സ്ഥാപനങ്ങളിൽ നിന്നുള്ളവരുടെ സേവനവും ലഭിക്കുന്നുണ്ട്.