കോഴിക്കോട്: ഡോക്ടറാകാൻ ആഗ്രഹമുള്ള വിദ്യാർഥികൾക്ക് സഹായവുമായി ഡോക്ടർമാർ. 'ഡോക് ടു ഡോക് ' എന്ന പേരിൽ ഡോക്ടർമാർ നേതൃത്വം നൽകുന്ന സംരംഭമാണ് എം.ബി.ബി.എസ് പഠനവുമായി ബന്ധപ്പെട്ടുള്ള ആശങ്കകൾക്കും സംശയങ്ങൾക്കും സഹായങ്ങളുമായി എക്സ്പോയിലെത്തിയത്. അന്താരാഷ്ട്ര സർവകലാശാലകളിൽ പഠിച്ച് എം.ബി.ബി.എസ് നേടിയവരാണ് വിദ്യാർഥികൾക്ക് സഹായവുമായെത്തിയത്. ഡോ. മാഹിൻ ഖാൻ, ഡോ.കാർത്തിക എന്നിവരുടെ നേതൃത്വത്തിലാണ് സ്റ്റാൾ പ്രവർത്തിക്കുന്നത്. യു.കെ, യു.എസ്, കാനഡ, ഓസ്ട്രേലിയ, ന്യൂസിലാൻഡ്, സ്‌കോട്ട്ലാൻഡ്, ഐർലാൻഡ്, പോളണ്ട് തുടങ്ങിയ രാജ്യങ്ങളിലെല്ലാം വിദ്യാർഥികൾക്ക് പഠന സൗകര്യമൊരുക്കുന്നുണ്ട്.