ജൂണ്‍ മുതല്‍ ഓഗസ്റ്റ് വരെ ഉച്ചയ്ക്ക് 12:30 മുതല്‍ 3:30 വരെ തുറസായ പ്രദേശങ്ങളില്‍ ജോലി ചെയ്യുന്നത് നിരോധിച്ചു കൊണ്ട് ഒമാനിലെ തൊഴില്‍ മന്ത്രാലയം ഉത്തരവിട്ടു. തീവ്രമായ ചൂടില്‍ ജോലി ചെയ്യുന്ന തൊഴിലാളികളെ ആരോഗ്യപരമായ അപകടങ്ങളില്‍ നിന്ന് സംരക്ഷിക്കാനാണ് ഈ നടപടി.

ഒമാന്‍ ടൈംസ് റിപ്പോര്‍ട്ട് ചെയ്യുന്നതനുസരിച്ച്, 'ഒക്കുപേഷണല്‍ സേഫ്റ്റി ആന്‍ഡ് ഹെല്‍ത്ത് റെഗുലേഷന്‍സ്' ലെ ആര്‍ട്ടിക്കിള്‍ (16), ക്ലോസ് (2) പ്രകാരമാണ് ഈ നിയമം ബാധകമാകുക. നിര്‍മ്മാണ സ്ഥലങ്ങള്‍, തുറന്ന പ്രദേശങ്ങള്‍ തുടങ്ങിയ ഉയര്‍ന്ന താപനിലയിലുള്ള ജോലിസ്ഥലങ്ങളില്‍ ഈ നിയന്ത്രണം ഏര്‍പ്പെടുത്തിയിട്ടുണ്ട്.

ചൂടുകാലത്തെ സമ്മര്‍ദ്ദത്തെക്കുറിച്ചും ഉച്ചസമയത്തെ ജോലി തടസ്സം പാലിക്കേണ്ടതിന്റെ പ്രാധാന്യത്തെക്കുറിച്ചും അവബോധം വളര്‍ത്തുന്നതിനായി മന്ത്രാലയം ഒരു സുരക്ഷിത വേനല്‍ക്കാല കാമ്പെയ്‌നും ആരംഭിച്ചു. തൊഴിലാളികളുടെ സുരക്ഷ ഉറപ്പാക്കാന്‍ സ്വകാര്യമേഖല കമ്പനികള്‍ ഈ നിയമം പാലിക്കണമെന്ന് അഭ്യര്‍ത്ഥിക്കുന്നു.

തൊഴിലാളികളുടെ സുരക്ഷ ഉറപ്പാക്കുന്നതിനായി ഒമാന്‍ തൊഴില്‍ മന്ത്രാലയം 'സുരക്ഷിത വേനല്‍ക്കാലം' എന്ന പേരില്‍ ഒരു കാമ്പെയ്ന്‍ ആരംഭിച്ചു. തീവ്രമായ ചൂട് കാരണമുണ്ടാുന്ന ആരോഗ്യപ്രശ്‌നങ്ങളെക്കുറിച്ച് അവബോധം വളര്‍ത്താനും ഉച്ചയ്ക്കുള്ള ജോലിനിരോധനം പാലിക്കാന്‍ പ്രാദേശിക കമ്പനികളെ പ്രോത്സാഹിപ്പിക്കുകയുമാണ് ഈ കാമ്പയിന്‍ ലക്ഷ്യമിടുന്നത്. 

താപനില റെക്കോര്‍ഡ് ഉയരത്തില്‍

ഖുറായത്തില്‍ താപനില 48.6°C രേഖപ്പെടുത്തി.

അല്‍ അഷ്‌കരയില്‍ താപനില 47.2°C രേഖപ്പെടുത്തി.

സൂറും അവാബിയും യഥാക്രമം 46.4°C ഉം 45.6°C ഉം രേഖപ്പെടുത്തി.

വടക്കന്‍ & തെക്കന്‍ ബാത്തിന, ദാഹിറ, വടക്കന്‍ ഷര്‍ഖിയ, അല്‍ വുസ്ത മേഖലകളില്‍ താപനില വര്‍ധിക്കുമെന്ന് ഒമാന്‍ കാലാവസ്ഥാ വകുപ്പ് മുന്നറിയിപ്പ് നല്‍കിയിട്ടുണ്ട്.

Oman's Ministry of Labour has enforced a mandatory midday break prohibiting outdoor work between 12:30 PM and 3:30 PM from June to August. The ban aims to protect workers from extreme heat exposure, with temperatures already hitting 48.6°C in some regions. Authorities have launched the "Safe Summer" campaign to ensure compliance and raise heatstroke awareness. Private companies must adhere to the rule, as meteorologists warn of rising temperatures in northern and central regions.