ലോകത്തിലെ ഏറ്റവും ധനികനായ കായികതാരമായി പോര്‍ച്ചുഗീസ് ഫുട്‌ബോള്‍ താരം ക്രിസ്റ്റ്യാനോ റൊണാള്‍ഡോ. ഫോര്‍ബ്‌സ് മാഗസിന്‍ പുറത്തിറക്കിയ പുതിയ ലിസ്റ്റില്‍ 275 ദശലക്ഷം ഡോളര്‍ (2356 കോടി രൂപ) വാര്‍ഷിക വരുമാനത്തോടെയാണ് റൊണാള്‍ഡോ ഒന്നാം സ്ഥാനം നേടിയത്. ഇത് തുടര്‍ച്ചയായ മൂന്നാം വര്‍ഷമാണ് ഫോബ്‌സ് പട്ടികയില്‍ റൊണാള്‍ഡോ ഒന്നാം സ്ഥാനത്തെത്തുന്നത്.

അര്‍ജന്റീനയുടെ ലിയോണല്‍ മെസി (135 ദശലക്ഷം ഡോളര്‍), ബാസ്‌കറ്റ്‌ബോള്‍ താരങ്ങളായ ലിബ്രോണ്‍ ജെയിംസ് (133.8 ദശലക്ഷം) സ്റ്റീഫന്‍ കറി (156 ദശലക്ഷം) എന്നിവരെ പിന്തള്ളിയാണ് റൊണാള്‍ഡോയുടെ നേട്ടം. ബോക്‌സിംഗ് താരം ടൈസണ്‍ ഫ്യൂറി 146 ദശലക്ഷം ഡോളറുമായി മൂന്നാം സ്ഥാനത്തെത്തി.

റൊണാള്‍ഡോയെയും മെസിയെയും കൂടാതെ പട്ടികയില്‍ ഇടം നേടിയ മറ്റൊരു ഫുട്‌ബോള്‍ താരം കരീം ബെന്‍സേമയാണ്. 104 ദശലക്ഷം ഡോളര്‍ വരുമാനമുള്ള ബെന്‍സേമ എട്ടാം സ്ഥാനത്താണമ്. ജാപ്പനീസ് ബേസ്‌ബോള്‍ താരം ഷോഹെയ് ഓട്ടാനി (102.5 ദശലക്ഷം), എന്‍ബിഎ താരം കെവിന്‍ ഡുറാന്റ് (101.4 ദശലക്ഷം) എന്നിവരും ടോപ് 10ല്‍ ഇടം നേടി.

ടോപ് 10 കായികതാരങ്ങള്‍:

1) ക്രിസ്റ്റിയാനോ റൊണാള്‍ഡോ (ഫുട്‌ബോള്‍) 275 ദശലക്ഷം ഡോളര്‍

2) സ്റ്റീഫന്‍ കറി (ബാസ്‌കറ്റ്‌ബോള്‍)  156 ദശലക്ഷം ഡോളര്‍

3) ടൈസണ്‍ ഫ്യൂറി (ബോക്‌സിംഗ്) 146 ദശലക്ഷം ഡോളര്‍

4) ഡാക് പ്രെസ്‌കോട്ട് (അമേരിക്കന്‍ ഫുട്‌ബോള്‍) 137 ദശലക്ഷം ഡോളര്‍

5) ലിയോണല്‍ മെസി (ഫുട്‌ബോള്‍) 135 ദശലക്ഷം ഡോളര്‍

6) ലിബ്രോണ്‍ ജെയിംസ് (ബാസ്‌കറ്റ്‌ബോള്‍) 133.8 ദശലക്ഷം ഡോളര്‍

7) ജുവാന്‍ സോട്ടോ (ബേസ്‌ബോള്‍) 114 ദശലക്ഷം ഡോളര്‍

8) കരിം ബെന്‍സേമ (ഫുട്‌ബോള്‍) 104 ദശലക്ഷം ഡോളര്‍

9) ഷോഹെയ് ഒഹ്താനി (ബേസ്‌ബോള്‍) 102.5 ദശലക്ഷം ഡോളര്‍

10) കെവിന്‍ ഡ്യൂറന്റ് (ബാസ്‌കറ്റ് ബോള്‍) 101.4 ദശലക്ഷം ഡോളര്‍

Cristiano Ronaldo has claimed the top spot on Forbes' list of the world's highest-paid athletes for the third year in a row, earning a staggering $275 million (₹2,356 crore). The Portuguese football icon outshone rivals like Lionel Messi, LeBron James, and Stephen Curry.