ദുബൈ: ബസ്, ടാക്‌സി പാതകള്‍ വികസിപ്പിക്കുകയും 13 കിലോമീറ്റര്‍ ദൈര്‍ഘ്യമുള്ള ആറ് പുതിയ പാതകള്‍ കൂടി കൂട്ടിച്ചേര്‍ക്കുകയും ചെയ്തതോടെ ദുബൈ നഗരത്തിലെ യാത്രാ സമയം 41 ശതമാനം കുറയ്ക്കാന്‍ കഴിഞ്ഞതായി റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍ടിഎ) അറിയിച്ചു. പാതകള്‍ കൂട്ടിയതോടെ ബസ് എത്തിച്ചേരല്‍ സമയം 42 ശതമാനം വേഗത്തിലാക്കാന്‍ കഴിഞ്ഞതായും ആര്‍ടിഎ അറിയിച്ചു. 

ഷെയ്ഖ് സബാഹ് അല്‍ അഹമ്മദ് അല്‍ ജാബര്‍ അല്‍ സബാഹ്, ഡിസംബര്‍ സെകക്ന്റ് (2nd of December), അല്‍ സത്വ, അല്‍ നഹ്ദ, ഉമര്‍ ബിനുല്‍ ഖത്താബ്, നായിഫ് എന്നിങ്ങനെയുള്ള ആറ് പ്രധാന സ്ട്രീറ്റുകള്‍ അവതരിപ്പിക്കുമെന്ന് നേരത്തെ അതോറിറ്റി പ്രഖ്യാപിച്ചിരുന്നു. 

ഇതോടെ അവതരിപ്പിച്ച പാതകളുടെ ആകെ നീളം 20 കിലോമീറ്ററിലെത്തും. സ്വകാര്യ വാഹന ഡ്രൈവര്‍മാര്‍ തെറ്റായി ഉപയോഗിക്കുന്നത് തടയാന്‍ പ്രത്യേക പാതകളില്‍ ചുവപ്പ് നിറം അടയാളപ്പെടുത്തിയിട്ടുണ്ട്. ഈ പാതകളില്‍ ഡ്രൈവി ചെയ്യുന്ന വാഹന ഉടമകള്‍ക്ക് 600 ദിര്‍ഹം പിഴ ഈടാക്കും.

ദുബൈയുടെ ഏകദേശം 90 ശതമാനം ബസുകളും ഇപ്പോള്‍ തങ്ങളുടെ ബസുകള്‍ ഉള്‍ക്കൊള്ളുന്നുവെന്ന് ആര്‍ടിഎ വെളിപ്പെടുത്തി. 1,390 ബസുകളാണ് ആര്‍ടിഎക്ക് കീഴിലുള്ളത്. ഇതാകെ 11,000 യാത്രകള്‍ ദിവസവും പൂര്‍ത്തിയാക്കുന്നു. ഇതുവഴി അഞ്ചുലക്ഷത്തിലധികം യാത്രക്കാരെ വഹിക്കുന്നു. ഏകദേശം ഒരുദിവസം 333,000 കിലോമീറ്റര്‍ ആണ് മൊത്തം യാത്രാ ദൗര്‍ഘ്യം. 

ദുബായ് മെട്രോയുമായി ബസ് സര്‍വീസ് തടസ്സമില്ലാതെ സംയോജിപ്പിച്ചുകൊണ്ട് റെസിഡന്‍ഷ്യല്‍, വാണിജ്യ, വ്യാവസായിക മേഖലകള്‍ തമ്മിലുള്ള കണക്റ്റിവിറ്റി മെച്ചപ്പെടുത്താന്‍ ഞങ്ങള്‍ ലക്ഷ്യമിടുന്നുവെന്ന് ആര്‍ടിഎയുടെ ഡയറക്ടര്‍ ജനറലും എക്‌സിക്യൂട്ടീവ് ഡയറക്ടര്‍മാരുടെ ബോര്‍ഡ് ചെയര്‍മാനുമായ മതര്‍ അല്‍ തായര്‍ പറഞ്ഞു. 

Dubai Roads and Transport Authority (RTA) will expand its dedicated bus and taxi lanes, adding six new ones spanning 13km. The expansion is expected to reduce journey times by 41 per cent and improve bus arrival times by 42 per cent.