കോഴിക്കോട്: ഇന്നലെ കോഴിക്കോട് പുതിയ സ്റ്റാന്‍ഡിലെ വ്യാപാര കെട്ടിടത്തിലുണ്ടായ തീപിടുത്തം നഗരത്തില്‍ ദീര്‍ഘനേരം ആശങ്ക സൃഷ്ടിച്ചു. വൈകീട്ട് നാലരയോടെ ഉണ്ടായ തീപിടുത്തം നിയന്ത്രണ വിധേയമാക്കാന്‍ മണിക്കൂറുകളാണ് ആവശ്യമായി വന്നത്. ഒടുവില്‍ രാത്രി 11 മണിയോടെയാണ് തീ നിയന്ത്രണ വിധേയമാക്കിയത്.

എന്നാല്‍, തീ നിയന്ത്രണ വിധേയമാക്കാന്‍ ആറര മണിക്കൂറിലധികം വൈകിയത് നഗരത്തിലെ അഗ്‌നിശമന സൗകര്യങ്ങളുടെ ദൗര്‍ലഭ്യതയാണ് എടുത്തു കാണിക്കുന്നത്. നഗരത്തിലെ ഏക ഫയര്‍ സ്റ്റേഷനായ ബീച്ച് ഫയര്‍ സ്റ്റേഷന്‍ ഒഴിവാക്കിയതിന് ശേഷം, അടിയന്തര സാഹചര്യങ്ങളില്‍ പ്രതികരിക്കാനുള്ള കഴിവ് ഗണ്യമായി കുറഞ്ഞിരിക്കുകയാണ്. ആധുനിക ഉപകരണങ്ങളുടെ അഭാവവും തീ നിയന്ത്രണണവിധേയമാക്കുന്നത് വൈകിപ്പിച്ചു. 

ഇതിനൊപ്പം, തകരഷീറ്റ് ഉപയോഗിച്ച് നിര്‍മ്മിച്ച കെട്ടിടഭാഗങ്ങള്‍ക്ക് അനുമതി നല്‍കിയതിന്റെ പേരില്‍ കോര്‍പ്പറേഷന് എതിരെയും വിമര്‍ശനങ്ങള്‍ ഉയരുകയാണ്. മെഡിക്കല്‍ കോളേജ് ആശുപത്രിയിലെ തീപിടിത്തത്തിന് പിന്നാലെ പുതിയ സ്റ്റാന്‍ഡിലും തീപിടുത്തം ഉണ്ടായത്, സര്‍ക്കാര്‍ സംവിധാനങ്ങളുടെ പരാജയമാണ് എടുത്തു കാണിക്കുന്നതെന്ന വിമര്‍ശനവും പ്രതിപക്ഷം ഉന്നയിക്കുന്നു. 

അഗ്‌നിശമന സംവിധാനങ്ങള്‍ മെച്ചപ്പെടുത്താന്‍ ആവശ്യപ്പെടുന്നതിനൊപ്പം, കോര്‍പ്പറേഷനും സര്‍ക്കാരിനെതിരെയുള്ള പ്രക്ഷോഭത്തിന് തയ്യാറാകുകയാണ് പ്രതിപക്ഷം.

The closure of the sole fire station within the city limits has raised concerns about public safety, as the area is now more vulnerable to uncontrolled fires. Without adequate fire services, residents face increased risks in the event of fire emergencies.