തിരുവനന്തപുരം: സംസ്ഥാന സർക്കാർ ജീവനക്കാരുടെ ക്ഷാമബത്ത കുടിശ്ശിക 18 ശതമാനത്തിലെത്തി. ഈ സർക്കാർ അധികാരത്തിലെത്തിയ ശേഷം മൂന്നുഗഡു ക്ഷാമബത്ത മാത്രമാണ് അനുവദിച്ചത്. 

ധനവകുപ്പ് നേരത്തെ അനുവദിച്ച മൂന്ന് ഗഡു ക്ഷാമബത്ത 2021 ജനുവരിയിലെയും ജൂലൈയിലെയും 2022 ജനുവരിയിലെയുമാണ്. എന്നാൽ, കുടിശ്ശിക നൽകാതിരുന്നതോടെ ആകെ 117 മാസത്തെ ക്ഷാമബത്തയാണ് നഷ്ടമായത്. ഇതുമൂലം ജീവനക്കാർക്ക് ഏതാണ്ട് മുക്കാൽ ലക്ഷം മുതൽ അഞ്ചര ലക്ഷം വരെ നഷ്ടമുണ്ടായിട്ടുണ്ടെന്നാണ് സർവിസ് സംഘടനകൾ വിശദീകരിക്കുന്നത്.
മുൻകാലങ്ങളിൽ ക്ഷാമബത്ത പ്രഖ്യാപിക്കുമ്പോൾ കുടിശ്ശിക പി.എഫ് അക്കൗണ്ടിൽ ലയിപ്പിക്കുന്ന പതിവ് തുടർന്നുവന്നിരുന്നു. പുതിയ ധനമന്ത്രിയുടെ വരവോടെ കുടിശ്ശിക ക്ഷാമബത്ത ഐ.എ.എസ്-ഐ.പി.എസ്- ജൂഡീഷ്യൽ ഓഫിസർമാർക്ക് മാത്രം നൽകി വരുന്നതായും ആരോപണമുണ്ട്.

സർക്കാർ ജീവനക്കാരുടെ ക്ഷാമബത്ത കുടിശ്ശിക നൽകാത്തതിൽ പ്രതിഷേധിച്ച് കഴിഞ്ഞ മാർച്ചിൽ സെക്രട്ടേറിയറ്റ് ആക്ഷൻ കൗൺസിൽ കരിദിനമാചരിച്ചിരുന്നു. കൂടുതൽ സമരപരിപാടികളിലേക്ക് കടക്കാനുള്ള ആലോചനയിലാണ് വിവിധ സംഘടനകൾ.

കൃത്യമായി ക്ഷാമബത്ത നൽകാതിരിക്കുകയും കുടിശ്ശിക നിഷേധിക്കുകയും ചെയ്യുന്നതുവഴി വൻ സാമ്പത്തിക നഷ്ടമാണ് ഉണ്ടാകുന്നതെന്ന് വിവിധ സർക്കാർ അനുകൂല സംഘടനകൾ പ്രതികരിച്ചിരുന്നു.
വിലക്കയറ്റത്തിന് അനുസൃതമായി കേന്ദ്രസർക്കാർ ജീവനക്കാർക്ക് ക്ഷാമബത്ത അനുവദിക്കുന്നതിന് ആനുപാതികമായിട്ടാണ് സംസ്ഥാനത്തും നൽകിയിരുന്നത്. എന്നാൽ, സമയബന്ധിതമായി ലഭ്യമാക്കേണ്ട ക്ഷാമബത്ത സാമ്പത്തിക പ്രതിസന്ധി ചൂണ്ടിക്കാട്ടി സംസ്ഥാന സർക്കാർ തടഞ്ഞുവയ്ക്കുന്നത് പതിവാക്കി. ഇങ്ങനെ ക്ഷാമബത്ത തടഞ്ഞുവയ്ക്കുകയും അനുവദിക്കുന്ന സമയത്ത് കുടിശ്ശിക നിഷേധിക്കുന്നതുമായ രീതിയ്‌ക്കെതിരേയാണ് സംഘടനകൾ പ്രതിഷേധിക്കുന്നത്.

The DA arrears for state government employees have reached 18%, resulting in significant financial losses for employees. Since the current government took office, only three DA installments have been approved, leaving employees with losses ranging from ₹750,000 to ₹550,000. This has led to growing discontent among government staff.