ഇന്നത്തെ തലമുറയില്‍ രാവിലെ എഴുന്നേറ്റാല്‍ കാപ്പി കുടിക്കാത്തവരുടെ എണ്ണം കൂടിവരുന്നുണ്ട്. അധികമാളുകളും രാവിലെ ഒരു കോഫി കുടിക്കുന്നത് ഉന്‍മേഷം ലഭിക്കുവാന്‍ കൂടിയാണ്. എന്നാല്‍ കാപ്പിയും ചായയും കുടിക്കാതെ രാവിലെ ഊര്‍ജം വര്‍ധിപ്പിക്കാനുള്ള വഴി എന്താണെന്നറിയോ..? 

വ്യായാമം

പ്രഭാത വ്യായാമങ്ങള്‍, ഒരു ചെറിയ നടത്തം നിങ്ങളുടെ ഊര്‍ജനിലകളെ നല്ല രീതിയില്‍ വര്‍ധിപ്പിക്കും. വ്യായാമം ചെയ്യുമ്പോള്‍ ശരീരത്തിലെ കോശങ്ങളെ ഊര്‍ജസ്വലമാക്കുന്നു. ഇത് ഒരുദിവസത്തെ ഊര്‍ജസ്വലതയും ഉന്‍മേഷവും ലഭിക്കാന്‍ നിങ്ങള്‍ക്കു കാരണമാവുന്നു.

വെള്ളം

വെള്ളം നേരിട്ട് ഊര്‍ജം നല്‍കുകയില്ല എന്ന് എല്ലാര്‍ക്കും അറിയാവുന്നതാണ്. ശരീരത്തില്‍ ജലാംശം ഉണ്ടാവേണ്ടതും ആവശ്യമാണ്. നിര്‍ജലീകരണം തടയാനും ശാരീരികപ്രവര്‍ത്തനങ്ങള്‍ക്കും വെള്ളം ആവശ്യമാണ്. ചെറിയരീതിയിലുള്ള നിര്‍ജലീകരണം പോലും ക്ഷീണത്തിനു കാരണമാവും. അതിനാല്‍ ദിവസവും നന്നായി വെള്ളം കുടിക്കുന്നത് ഉന്‍മേഷം ലഭിക്കാന്‍ മികച്ചവയാണ്. 

പോഷകസമ്പുഷ്ടമായ പ്രഭാത ഭക്ഷണം

രാവിലത്തെ ഉന്‍മേഷം കുറയാതിരിക്കാന്‍ പോഷകസമ്പന്നമായ പ്രാതലുകളുമായി ഒരു ദിവസം ആരംഭിക്കുക. മുട്ടയോ ഗ്രീക്ക് തൈരോ പനീര്‍ പോലെയുള്ള പ്രോട്ടീന്‍ സ്രോതസുകളോ അടങ്ങിയ ഭക്ഷണം തിരഞ്ഞെടുക്കുക. ഊര്‍ജത്തിനായി നട്‌സുകളും ചേര്‍ക്കാം. കൂടാതെ വിത്തുകളും ആരോഗ്യകരമായ കൊഴുപ്പുകളും ഉള്‍പ്പെടുത്തുക. ഇത് നിങ്ങളെ ഉന്‍മേഷവാന്‍മാരാക്കും. 

കുളി

രാവിലെ എഴുന്നേറ്റ് തണുത്ത വെള്ളത്തില്‍ കുളിക്കുന്നത് തന്നെ നല്ല ഉന്‍മേഷമുള്ള കാര്യമാണ്. താപനിലയിലെ പെട്ടെന്നുള്ള കുറവ് ഹൃദയമിടിപ്പ് വേഗത്തില്‍ വര്‍ധിപ്പിക്കുകയും രക്തചംക്രമണം വര്‍ധിപ്പിക്കുന്നതോടൊപ്പം നിങ്ങളെ ഉന്‍മേഷവാന്‍മാരാക്കുകയും ചെയ്യും. തണുത്ത അന്തരീക്ഷത്തില്‍ നിങ്ങള്‍ ശ്വസിക്കുന്നത് മാനസികാവസ്ഥ മെച്ചപ്പെടുത്താനും സഹായിക്കും. 

ധ്യാനം
പ്രാര്‍ഥന, ധ്യാനം എന്നിവ മനസിന് ഏകാഗ്രത നല്‍കുകയും ഉണര്‍വ് നല്‍കുകയും ചെയ്യുന്നു.