ദുബൈ: ചരിത്രത്തിലെ റെക്കോര്‍ഡ് സന്ദര്‍ശകരെയും സ്വീകരിച്ച് ദുബൈ ഗ്ലോബല്‍ വില്ലേജിന്റെ 29ാം സീസണിന് തിരശ്ശീല വീണു. ലോകത്തെ ഏറ്റവും മനോഹരമായ സാംസ്‌കാരിക, വിനോദ ഉത്സവങ്ങളിലൊന്നായ ദുബൈ ഗ്ലോബല്‍ വില്ലേജിന്റെ 29ാമത്തെ സീസണിന് ഒരു കോടിയിലേറെ സന്ദര്‍ശകരാണ് എത്തിയത്. ആറു മാസം നീണ്ട മേളയില്‍ ലോകത്തിന്റെ വിവിധ ഭാഗങ്ങളില്‍ നിന്നായി 1.05 കോടി സന്ദര്‍ശകരാണ് എത്തിയതെന്ന് സംഘാടകര്‍ അറിയിച്ചു. മുപ്പത് രാജ്യളില്‍ നിന്നായി 250ലധികം പവലിയനുകളാണ് ഗ്ലോബര്‍ വില്ലേജില്‍ ഒരുക്കിയിരുന്നത്. സംസ്‌കാരങ്ങളുടെ ഉത്സവമാണ് ഗ്ലോബല്‍ വില്ലേജ് എന്ന് ദുബൈ ടൂറിസം അധികൃതര്‍ വ്യക്തമാക്കി. അടുത്ത സീസണ്‍ 2025 ഒക്ടോബറില്‍ ആരംഭിക്കുമെന്ന് അധികൃതര്‍ അറിയിച്ചു. 30 മത്തെ സീസണ്‍ കൂടുതല്‍ കളറാക്കാനാണ് തീരുമാനം.

വിവിധ രാജ്യങ്ങളുടെ പവിലിയനുകള്‍ക്ക് പുറമെ ലൈവ് ഷോകള്‍, ആകര്‍ഷകമായ റൈഡുകളും ഗെയിമുകളും ഉള്‍പ്പെടുത്തിയ ഫണ്‍ ഫെയര്‍, കുടുംബ സൗഹൃദ വിനോദപ്രദര്‍ശനങ്ങള്‍ എന്നിവയൊക്കെ  സീസണിന്റെ ഹൈലൈറ്റുകളായിരുന്നു. വീഡിയോ മാപ്പിംഗ്, ഡ്രോണ്‍ ഷോ, ഫയര്‍വര്‍ക്ക് എന്നിവ ഉള്‍പ്പെടെയുള്ള വൈവിധ്യമാര്‍ന്ന പരിപാടികള്‍ വഴി സന്ദര്‍ശകര്‍ക്ക് മികച്ച അനുഭവം സമ്മാനിച്ചാണ് ഗ്ലോബല്‍ വില്ലേജ് സമാപിച്ചത്. 400ലധികം കലാകാരന്മാര്‍ 40,000ത്തിലധികം വിസ്മയകരമായ ഷോകള്‍ അവതരിപ്പിച്ചു. 

The curtain has fallen on the 29th season of Dubai Global Village, welcoming a record number of visitors in history. More than 10 million visitors came to the latest season of Dubai Global Village.