മഹാത്മാ ഗാന്ധി സർവകലാശാലയിൽ അഫിലിയേറ്റ് ചെയ്ത സർക്കാർ, എയ്ഡഡ്, സ്വാശ്രയ ആർട്‌സ് ആൻഡ് സയൻസ് കോളജുകളിൽ ഒന്നാം വർഷ  ബിരുദാനന്തര ബിരുദ പ്രോഗ്രാമുകൾക്ക് എകജാലക സംവിധാനം വഴി പ്രവേശനത്തിനുള്ള ഓൺലൈൻ രജിസ്‌ട്രേഷൻ ആരംഭിച്ചു.
മാനേജ്‌മെന്റ്, ലക്ഷദ്വീപ്, വികലാംഗ, സ്‌പോർട്‌സ്, കൾച്ചറൽ ക്വാട്ടകളിൽ  പ്രവേശനം തേടുന്നവരും ഏകജാലക സംവിധാനത്തിൽ അപേക്ഷ നൽകണം. ലക്ഷദ്വീപിൽനിന്നുള്ള വിദ്യാർഥികൾക്കായി എല്ലാ കോളജുകളിലും സീറ്റുകൾ സംവരണം ചെയ്തിട്ടുണ്ട്. സാക്ഷ്യപത്രങ്ങളുടെ ഡിജിറ്റൽ പകർപ്പുകൾ അപേക്ഷയ്‌ക്കൊപ്പം അപ്്ലോഡ് ചെയ്യണം.

വിശദവിവരങ്ങൾക്കും ഓൺലൈൻ രജിസ്സ്‌ട്രേഷനും cap.mgu.ac.in  സന്ദർശിക്കുക. അഫിലിയേറ്റഡ് കോളജുകളിൽ ഹെൽപ്പ് ഡസ്‌ക്കുകൾ സജ്ജീകരിച്ചിട്ടുണ്ട്.

പരിസ്ഥിതി ശാസ്ത്രത്തിൽ പി.ജി

മഹാത്മാ ഗാന്ധി സർവകലാശാലയിൽ പരിസ്ഥിതി ശാസ്ത്ര വിഷയങ്ങളിൽ ബിരുദാനന്തര ബിരുദ പ്രോഗ്രാമുകൾ പഠിക്കാൻ അവസരം. ഇന്നു കൂടി അപേക്ഷിക്കാം. വെബ്‌സൈറ്റ്: ses.mgu.ac.in  ഇമെയിൽ: [email protected].  ഫോൺ0481 2733369. 

സ്‌കൂൾ ഓഫ് എൻവയോൺമെന്റൽ സയൻസസിൽ എൻവയോൺമെന്റൽ സയൻസ് ആൻഡ്  മാനേജ്‌മെന്റ്, എൻവയോൺമെന്റൽ  സയൻസ്   ആൻഡ് ഡിസാസ്റ്റർ മാനേജ്‌മെന്റ്, അപ്ലൈഡ് ജിയോളജി എന്നിവയിലാണ് എം.എസ്.സി കോഴ്‌സുകളുള്ളത്. ഏതെങ്കിലും ശാസ്ത്ര വിഷയത്തിൽ ബി.എസ്.സി യോഗ്യതയുള്ളവർക്ക് ആദ്യ രണ്ടു പ്രോഗ്രാമുകൾക്ക് അപേക്ഷിക്കാം. ജിയോളജിയിൽ ബിരുദമുള്ളവരെയാണ് എം.എസ്.സി ജിയോളജിക്ക് പരിഗണിക്കുന്നത്.

നിർമിത ബുദ്ധിയും ഡ്രോൺ സാങ്കേതിക വിദ്യയും പ്രയോജനപ്പെടുത്തിയുള്ള പഠനം, നൂതന ഉപകരണങ്ങളുള്ള അനലിറ്റിക്കൽ ലാബ്, മികച്ച ലൈബ്രറി, ദേശീയരാജ്യാന്തര തലങ്ങളിലെ മുൻനിര സ്ഥാപനങ്ങളുമായുള്ള സഹകരണം തുടങ്ങിയവ പ്രത്യേകതകളാണ്.

കൂടുതല്‍ Education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക