ഏകദേശം എല്ലാ വീടുകളിലും തൈര് ഉപയോഗിക്കാറുണ്ട്. പാലുല്‍പന്നങ്ങളില്‍ ഒന്നായ തൈര് ദൈനംദിന ജീവിതത്തില്‍ ഉള്‍പ്പെടുത്തുന്നവര്‍ തന്നെയാണ് നമ്മള്‍. എന്നാല്‍ തൈരിന്റെ സംസ്‌കരിച്ച പതിപ്പായ ഗ്രീക്ക് തൈരാണ് ഇപ്പോള്‍ ഇന്ത്യയിലും ശ്രദ്ധപിടിച്ചു പറ്റിയിരിക്കുന്നത്.

തൈരും ഗ്രീക്ക് തൈരുമൊക്കെ ഇപ്പോ പോഷകശക്തി കേന്ദ്രമായി മാറിയിരിക്കുന്നു. സ്മൂത്തികളിലും ഭക്ഷണത്തിനൊപ്പവും വെറുതെയുമെല്ലാം നമ്മള്‍ ഇത് കഴിക്കുന്നു. എന്നാല്‍ ഇവ രണ്ടും തമ്മിലുള്ള വ്യത്യാസം എന്താണെന്നു നോക്കാം. മികച്ച ആരോഗ്യത്തിനായി ഏതാണ് കഴിക്കേണ്ടതെന്നും.

തൈര് 

ഇന്ത്യന്‍ വീടുകളിലൊക്കെ തൈര്, ലളിതമായി വീട്ടില്‍ തന്നെ തയ്യാറാക്കുന്ന ഒരു പാലുല്‍പ്പന്നമാണ്. ചെറുചൂടുള്ള പാല്‍, ചെറിയ അളവില്‍ നിലവിലുള്ള തൈര് അല്ലെങ്കില്‍ നാരങ്ങ നീര് പോലുള്ള അസിഡിറ്റി ഏജന്റ് എന്നിവ ചേര്‍ത്ത് പുളിപ്പിച്ചാണ് ഇത് തയാാറാക്കി എടുക്കുന്നത്. ഇത് എളുപ്പവുമാണ്, അധികം പരിശ്രമവും വേണ്ട.

ഈ വിഭവത്തിന് രുചിയില്‍ നേരിയ എരിവും മൃദുവായ ഘടനയുമുണ്ട്. അതുകൊണ്ട് തന്നെ ദഹനത്തെ പിന്തുണയ്ക്കുന്ന കുടലിന് അനുകൂലമായ ബാക്ടീരിയകള്‍ ഇതില്‍ അടങ്ങിയിട്ടുമുണ്ട്. തൈര് വീട്ടില്‍ തന്നെ തയ്യാറാക്കുന്നതിനാല്‍, ഉപയോഗിക്കുന്ന പാലിനെ ആശ്രയിച്ച് അതിന്റെ ഘടനയും രുചിയും വ്യത്യാസപ്പെടുന്നു.

ഗ്രീക്ക് യോഗര്‍ട്ട് എന്താണ്?

ഗ്രീക്ക് തൈര് തൈരിന്റെ തന്നെ കൂടുതല്‍ സംസ്‌കരിച്ച പതിപ്പായാണ് കണക്കാക്കുന്നത്. ഇടക്കാലത്തായി ഇതിന് വളരെയധികം പ്രചാരം ലഭിക്കുന്നുണ്ട്. ഗ്രീക്ക് തൈരില്‍ തൈരിനേക്കാള്‍ കൂടുതല്‍ പ്രോട്ടിനും അടങ്ങിയിട്ടുണ്ട്. അധിക മോര്‍ നീക്കം ചെയ്യുന്നതിനായി സാധാരണ തൈരില്‍ നിന്ന് പലതവണ അരിച്ചെടുത്താണ് ഇവ തയ്യാറാക്കുന്നത്.

ഇത് കട്ടിയുള്ളതും ക്രീമിയുമായ സ്ഥിരത കൈവരിക്കാന്‍ സഹായിക്കുന്നു. അധിക അരിച്ചെടുക്കല്‍ പ്രക്രിയയാണെങ്കില്‍ പ്രോട്ടീന്‍ അളവ് വര്‍ധിപ്പിക്കാനും സഹായിക്കുന്നു. ഭക്ഷണത്തില്‍ കൂടുതല്‍ പ്രോട്ടീന്‍ ചേര്‍ക്കാന്‍ ആഗ്രഹിക്കുന്നവര്‍ക്ക് ഗ്രീക്ക് തൈര് ഉപയോഗിക്കാവുന്നതാണ്.

തൈരും ഗ്രീക്ക് തൈരും തമ്മിലുള്ള വ്യത്യാസം

തൈര്് നേരിയ ഘടനയും മൃദുവായതുമാണെങ്കില്‍ ഗ്രീക്ക് തൈര് കട്ടിയുള്ളതും ക്രീമിയും ഇടതൂര്‍ന്നതുമാണ്. തൈരിന്റെ രുചി പാല്‍ പോലെയും ചെറിയ പുളിയും ആയിരിക്കും. എന്നാല്‍ ഗ്രീക്ക് തൈരിന്റെ കാര്യത്തില്‍ ഇത് കൂടുതല്‍ പുളിച്ചതായിരിക്കുമെന്നു മാത്രം. 100 ഗ്രാമിന് 10 ഗ്രാം പ്രോട്ടീനാണ് ഗ്രീക്ക് തൈര് നല്‍കുന്നത്. എന്നാല്‍ തൈരില്‍ 100 ഗ്രാമിന് ഏകദേശം 45 ഗ്രാം പ്രോട്ടീനാണ് അടങ്ങിയിട്ടുള്ളത്.

ഏതാണ് നല്ലത് ആരോഗ്യത്തിന്?

ശരീരത്തിന് ഗുണം നല്‍കുന്ന പ്രകൃതിദത്തവും പരമ്പരാഗതവുമായ ഒരു വിഭവമാണ് തൈര്. വീട്ടില്‍ തന്നെ ഉണ്ടാക്കുന്ന ഈ തൈരില്‍ ദൈനംദിന ഉപയോഗത്തിന് അനുയോജ്യമായ പ്രകൃതിദത്ത പ്രോബയോട്ടിക്കുകള്‍ ധാരാളമായി അടങ്ങിയിട്ടുമുണ്ട്. നിങ്ങള്‍ പരമ്പരാഗത ഭക്ഷണം പാകം ചെയ്യുന്നവരാണെങ്കില്‍ സുഗന്ധവ്യഞ്ജനങ്ങളുമായും വിഭവങ്ങളുമായും നന്നായി യോജിക്കുന്നതിനാല്‍ തൈര് മാത്രം ഉപയോഗിച്ചാല്‍ മതിയാവും.

 ദൈനംദിന ആവശ്യങ്ങള്‍ക്കോ ജിമ്മില്‍ പോകുന്നവരോ ആണ് കഴിക്കുന്നതെങ്കില്‍ അതായത് അധിക പ്രോട്ടീന്‍ ആവശ്യമുള്ള ആളുകള്‍ക്ക്, ഗ്രീക്ക് തൈര് തീര്‍ച്ചയായും തിരഞ്ഞെടുക്കാവുന്നതാണ്. വ്യായാമത്തിനും പേശികളുടെ വീണ്ടെടുപ്പിനും ഇത് മികച്ചവയുമാണ്. വയര്‍ വേഗം നിറയുന്നത് പോലെ തോന്നുകയും ചെയ്യും. ഗ്രീക്ക് തൈര് വയറിന് നല്ലതാണ്. കാരണം ഇത് ലാക്ടോസ് നീക്കം ചെയ്യുകയും ചെയ്യും. ഗ്രീക്ക് തൈര് സ്മൂത്തികളിലോ ലഘുഭക്ഷണത്തിനുള്ള ഡിപ്പായും കഴിക്കാവുന്നതാണ്.