കൊല്ലം: പ്രായപൂർത്തിയാകാത്ത നാല് കുട്ടികൾ ഒരു സ്‌കൂട്ടറിൽ യാത്ര ചെയ്ത് എത്തിയതാകട്ടെ ഗതാഗത മന്ത്രി കെ.ബി. ഗണേഷ് കുമാറിന്റെ മുന്നിൽ. പത്തനാപുരത്ത് കുടുംബശ്രീയുടെ വാർഷികാഘോഷം ഉദ്ഘാടനം ചെയ്യാനെത്തിയതായിരുന്നു മന്ത്രി. ഘോഷയാത്രയെല്ലാം കഴിഞ്ഞ് സ്റ്റേജിലേക്ക് കയറുന്നതിനിടെയാണ് കുട്ടികൾ സ്കൂട്ടറിൽ വരുന്നത് കണ്ടത്. ഉടൻ തൊട്ടടുത്ത ഉദ്യോ​ഗസ്ഥരോട് വിവരങ്ങൾ തേടിയ മന്ത്രി, വാഹന ഉടമയുടെ ലൈസൻസ് റദ്ദാക്കാൻ നിർദേശിച്ചു.

"സി.ഐ.യെ വിളിച്ച് വാഹന ഉടമയെ കണ്ടെത്തണം. ആർ.ടി.ഒ. ഓഫിസിൽ വിവരമറിയിച്ച് ലൈസൻസ് റദ്ദാക്കണം. 18 വയസ്സ് പോലും തികയാത്ത കുട്ടികൾക്ക് വാഹനം നൽകുന്നത് ഗുരുതരമാണ്. അതും നാല് പേർ ഒരു സ്‌കൂട്ടറിൽ, ഹെൽമെറ്റും ഇല്ല, ലൈസൻസും ഇല്ല. അപകടം സംഭവിച്ചാൽ ആരാണ് ഉത്തരവാദി? ഉടമയെ ആർ.ടി.ഒ. ഓഫിസിന് കൈമാറണം," മന്ത്രി ഉദ്യോഗസ്ഥർക്ക് നിർദേശം നൽകി.

സംഭവത്തിൽ കർശന നടപടി സ്വീകരിക്കാലും മന്ത്രി ആവശ്യപ്പെട്ടു. ഗതാഗത നിയമലംഘനങ്ങൾ തടയാൻ നടപടികൾ ശക്തമാക്കുമെന്നും അദ്ദേഹം വ്യക്തമാക്കി.

In Kollam, four underage children riding a single scooter without licenses caught the attention of Transport Minister K.B. Ganesh Kumar during a Kudumbashree event in Pathanapuram. After inquiring, the minister ordered the cancellation of the vehicle owner's license, citing serious safety violations, including the absence of helmets and the underage riders. He directed officials to identify the owner and take strict action, emphasizing the dangers of such reckless behavior.