ബെംഗളൂരു: ശക്തമായ മഴയെത്തുടര്‍ന്ന് മെയ് 23ന് ബെംഗളൂരുവിലെ ചിന്നസാമി സ്റ്റേഡിയത്തില്‍ നടക്കാനിരുന്ന റോയല്‍ ചലഞ്ചേഴ്‌സ് ബെംഗളൂരു  സണ്‍റൈസേഴ്‌സ് ഹൈദരാബാദ് മത്സരം ലക്‌നൗവിലേക്ക് മാറ്റി. ഈ മാറ്റത്തോടെ ലീഗിലെ അവസാന രണ്ട് മത്സരങ്ങള്‍ ആര്‍സിബി ലക്‌നൗവിലായിരിക്കും കളിക്കുക. മെയ് 27ന് ഏകാന സ്റ്റേഡിയത്തില്‍ ലക്‌നൗ സൂപ്പര്‍ ജയന്റ്‌സിനെതിരെയാണ് ആര്‍സിബിയുടെ അടുത്ത മത്സരം.

ബെംഗളൂരുവില്‍ കുറച്ച ദിവസങ്ങളായി കനത്ത മഴ തുടരുന്ന സാഹചര്യത്തില്‍ കേന്ദ്ര കാലാവസ്ഥാ വകുപ്പ് യെല്ലോ അലേര്‍ട്ട് പ്രഖ്യാപിച്ചിട്ടുണ്ട്. ഈ സാഹചര്യത്തില്‍ മെയ് 17ന് ബെംഗളൂരുവില്‍ നടക്കേണ്ടിയിരുന്ന ബെം?ഗളൂരു  കൊല്‍ക്കത്ത മത്സരം ഒരു പന്ത് പോലും എറിയാതെ റദ്ദാക്കിയിരുന്നു. വരാനിരിക്കുന്ന ദിവസങ്ങളില്‍ കൂടുതല്‍ മഴ പ്രതീക്ഷിക്കുന്നതിനാലാണ് ബി.സി.സി.ഐ വേദി മാറ്റാനുള്ള തീരുമാനത്തിലെത്തിയത്.

കഴിഞ്ഞ മത്സരത്തില്‍ ലഖ്‌നൗവിനെതിരെ വിജയിച്ചെങ്കിലും സണ്‍റൈസേഴ്‌സിന് പ്ലേഓഫില്‍ എത്താന്‍ കഴിഞ്ഞിരുന്നില്ല. ഈ പരാജയത്തോടെ ലക്‌നൗ സൂപ്പര്‍ ജയന്റ്‌സും ടൂര്‍ണമെന്റില്‍ നിന്ന് പുറത്തായി. മറുവശത്ത്, ഗുജറാത്ത് ടൈറ്റന്‍സ് ഡല്‍ഹി ക്യാപിറ്റല്‍സിനെ പരാജയപ്പെടുത്തിയതോടെ ആര്‍സിബി പ്ലേഓഫിലേക്ക് യോഗ്യത നേടിയിരുന്നു. ലീഗിലെ അവസാന രണ്ട് മത്സരങ്ങള്‍ ജയിച്ച് ഒന്നോ രണ്ടോ സ്ഥാനം സ്വന്തമാക്കുകയാണ് ഇനി ആര്‍സിബിയുടെ ലക്ഷ്യം.

In a disappointing turn for RCB fans, the much-anticipated IPL match between Royal Challengers Bangalore and Sunrisers Hyderabad has been relocated from Bengaluru to Lucknow due to heavy rainfall and waterlogging. This marks the second consecutive home game shift for RCB, significantly impacting their home advantage. The decision comes after weather alerts predicted continued downpours in Bengaluru, where previous matches were already affected.