ജയ്പൂര്‍: ടി20 ക്രിക്കറ്റില്‍ അപൂര്‍വ നേട്ടവുമായി ചെന്നൈ സൂപ്പര്‍ കിംഗ്‌സ് നായകന്‍ മഹേന്ദ്ര സിംഗ് ധോണി. രാജസ്ഥാന്‍ റോയല്‍സിനെതിരായ മത്സരത്തിന്റെ 16ാം ഓവറില്‍ റിയാന്‍ പരാഗിനെതിരെ സിക്‌സര്‍ നേടിയതോടെ ധോണി ടി20 ക്രിക്കറ്റില്‍ 350 സിക്‌സറുകള്‍ പൂര്‍ത്തിയാക്കി. റോഹിത് ശര്‍മ്മ (542), വിരാട് കോലി (434), സൂര്യകുമാര്‍ യാദവ് (368) എന്നിവരാണ് ധോണിക്ക് മുമ്പ് ഈ നേട്ടത്തിലെത്തിയ ഇന്ത്യന്‍ താരങ്ങള്‍.

ടി20 ക്രിക്കറ്റില്‍ 350 സിക്‌സറുകള്‍ നേടിയ 34ാമത്തെ താരമാണ് ധോണി. ടി20 യില്‍ ഏറ്റവും കൂടുതല്‍ സിക്‌സറുകളുടെ റെക്കോര്‍ഡ് മുന്‍ വെസ്റ്റ് ഇന്‍ഡീസ് താരം ക്രിസ് ഗെയ്‌ലിന്റെ പേരിലാണ്. 463 മത്സരങ്ങളില്‍ 1056 സിക്‌സറുകള്‍ നേടിയ ഗെയ്ല്‍ ഈ പട്ടികയില്‍ ഒന്നാം സ്ഥാനത്തുണ്ട്. ഐപിഎല്ലില്‍ 264 സിക്‌സറുകള്‍ നേടിയ ധോണി ക്രിസ് ഗെയ്ല്‍ (357), റോഹിത് ശര്‍മ്മ (297), വിരാട് കോലി (290) എന്നിവര്‍ക്ക് പിന്നില്‍ നാലാം സ്ഥാനത്താണ്.

ഈ ഐപിഎല്ലില്‍ ഇതുവരെ 24.5 ബാറ്റിംഗ് ശരാശരിയോടെ 135.2 സ്‌ട്രൈക്ക് റേറ്റില്‍ 196 റണ്‍സ് എടുത്ത ധോണി 12 സിക്‌സറുകള്‍ നേടിയിട്ടുണ്ട്. അതേസമയം, ചെന്നൈ നേരത്തെ തന്നെ ടൂര്‍ണമെന്റില്‍ നിന്നും പുറത്തായിരുന്നു. പഞ്ചാബ് കിങ്‌സിനോടേറ്റ പരാജയത്തിന് പിന്നാലെയാണ് ചെന്നൈ ഐപിഎല്ലില്‍ നിന്നും പുറത്തായത്. പരുക്കേറ്റ ഋതുരാജ് ഗെയ്ക്‌വാദിന് പകരമായാണ് ധോണി ഈ സീസണില്‍ ചെന്നൈയുടെ ക്യാപ്റ്റന്‍ കുപ്പായം വീണ്ടും അണിഞ്ഞത്. വീണ്ടും നായകന്‍ ആയതോടെ ഐപിഎല്ലില്‍ ഒരു ടീമിനെ നയിക്കുന്ന ആദ്യ അണ്‍ക്യാപ്പ്ഡ് താരമെന്ന റെക്കോര്‍ഡും ധോണി സ്വന്തമാക്കിയിരുന്നു.

ഐപിഎല്‍ ചരിത്രത്തില്‍ 200 ഡിസ്മിസലുകള്‍ നടത്തുന്ന ആദ്യ താരമെന്ന റെക്കോര്‍ഡും ധോണി സ്വന്തം പേരിലാക്കിയിരുന്നു. കൊല്‍ക്കത്ത നൈറ്റ് റൈഡേഴ്‌സിനെതിരെയുള്ള മത്സരത്തിലാണ് ധോണി ഈ നേട്ടം കൈവരിച്ചത്. മത്സരത്തില്‍ ഒരു സ്റ്റമ്പിങ്ങും ഒരു ക്യാച്ചുമാണ് ധോണി സ്വന്തമാക്കിയത്. 153 ക്യാച്ചുകളും 47 സ്റ്റമ്പിങ്ങുമാണ് ധോണി ഐപിഎല്ലില്‍ സ്വന്തമാക്കിയത്. 174 ഡിസ്മിസലുകള്‍ നടത്തിയ ദിനേശ് കാര്‍ത്തിക് ആണ് ധോണിക്ക് പുറകിലുള്ളത്.

At 43 years young, Chennai Super Kings captain MS Dhoni has added another feather to his cap by becoming only the fourth Indian batsman to smash 350 sixes in T20 cricket. The iconic wicketkeeper-batsman achieved this milestone during the IPL 2024 match against Rajasthan Royals, joining an elite list featuring Rohit Sharma (542), Virat Kohli (434) and Suryakumar Yadav (368).