1.കാസർകോട്: പെരിയ കേരള കേന്ദ്ര സർവകലാശാലയിലെ വിവിധ ബിരുദാനന്തര ബിരുദ കോഴ്‌സുകളിലെ പ്രവേശനത്തിന് രജിസ്‌ട്രേഷൻ ആരംഭിച്ചു. ജൂൺ രണ്ടുവരെ സർവകലാശാലയുടെ വെബ്‌സൈറ്റ് www.cukerala.ac.in സന്ദർശിച്ച് രജിസ്റ്റർ ചെയ്യാം.
രാജ്യത്തെ വിവിധ സർവകലാശാലകളിലേക്കും ഉന്നത വിദ്യാഭ്യാസ സ്ഥാപനങ്ങളിലേക്കും നാഷനൽ ടെസ്റ്റിങ് ഏജൻസി (എൻ.ടി.എ) നടത്തിയ പൊതുപ്രവേശന പരീക്ഷ (സി.യു.ഇ.ടി പി.ജി)യിൽ പങ്കെടുത്തവരാണ് രജിസ്റ്റർ ചെയ്യേണ്ടത്. 

ജൂൺ 10ന് റാങ്ക് ലിസ്റ്റ് പ്രസിദ്ധീകരിക്കും. രജിസ്റ്റർ ചെയ്ത വിദ്യാർഥികൾക്ക് അന്നേ ദിവസം ഇ മെയിലിലൂടെ അറിയിപ്പ് ലഭിക്കും.
താൽപര്യമുള്ളവർ ജൂൺ 12നുള്ളിൽ ഇ മെയിലിൽ സ്ഥിരീകരണം നൽകണം. ജൂൺ 16 മുതൽ 18 വരെ ആദ്യഘട്ട പ്രവേശനം നടക്കും. ജൂലൈ രണ്ട് മുതൽ ക്ലാസുകൾ ആരംഭിക്കും. 26 ബിരുദാനന്തര ബിരുദ പ്രോഗ്രാമുകളാണ് സർവകലാശാല നടത്തുന്നത്.

ALSO READ: കൊച്ചിന്‍ പോര്‍ട്ടില്‍ ജോലി നേടാം; വിവിധ ഡിഗ്രി യോഗ്യതയുള്ളവര്‍ക്ക് അവസരം; അപേക്ഷ ജൂണ്‍ 22 വരെ Read more 

2. കുസാറ്റ്

കൊച്ചി: കൊച്ചി ശാസ്ത്ര സാങ്കേതിക സർവകലാശാലയിലെ (കുസാറ്റ്) കംപ്യൂട്ടർ അപ്ലിക്കേഷൻ വകുപ്പിൽ അസിസ്റ്റന്റ് പ്രൊഫസർ തസ്തികയിൽ കരാർ അടിസ്ഥാന നിയമനത്തിന് അപേക്ഷ ക്ഷണിച്ചു. ഓൺലൈൻ അപേക്ഷാ ഫോമും യോഗ്യത സംബന്ധിച്ച വിവരങ്ങളും www.recruit.cusat.ac.in വെബ്‌സൈറ്റിൽ. ഓൺലൈൻ അപേക്ഷ സ്വീകരിക്കുന്ന അവസാന തീയതി ജൂൺ 30. 

സാക്ഷ്യപ്പെടുത്തിയ അപേക്ഷയുടെ പകർപ്പും യോഗ്യത, പ്രവൃത്തി പരിചയം, സംവരണം, ബയോ ഡേറ്റ, ഫീസ് സംബന്ധിച്ച രേഖകളും 'രജിസ്ട്രാർ, കൊച്ചി ശാസ്ത്ര സാങ്കേതിക സർവകലാശാല, കൊച്ചി -22' എന്ന വിലാസത്തിൽ ജൂലൈ 7 ന് മുൻപ് ലഭിക്കണം. കൂടുതൽ വിവരങ്ങൾക്ക് 0484-2862391. ദീൻ ദയാൽ ഉപധ്യായ് കൗശൽ കേന്ദ്രയിൽ (ഡി.ഡി.യു.കെ.കെ) അസിസ്റ്റന്റ് പ്രൊഫസർ തസ്തികയിൽ കരാർ അടിസ്ഥാനത്തിൽ നിയമനത്തിന് അപേക്ഷകൾ ക്ഷണിച്ചു. ഓൺലൈൻ  അപേക്ഷാ ഫോമും യോഗ്യത, അപേക്ഷാ ഫീസ് തുടങ്ങിയ വിവരങ്ങളും www.recruit.cusat.ac.inൽ ലഭ്യമാണ്. ഓൺലൈൻ അപേക്ഷ സ്വീകരിക്കുന്ന അവസാന തീയതി ജൂൺ 16. ഫോൺ: 0484-2862522, 2862106

study PG Postgraduate at Central University of Kasaragod apply till June 2

കൂടുതല്‍ education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക