നൈനിറ്റാൾ: നൈനിറ്റാളിൽ രാംനഗറിലെ ഗൗജാനി പ്രദേശത്ത് വഖ്ഫ് ഭൂമിയെ ചൊല്ലിയുള്ള തർക്കം രൂക്ഷമാകുന്നു. കഴിഞ്ഞ ദിവസം മരിച്ചയാളുടെ ഖബറടക്കം ബി.ജെ.പി പ്രവർത്തകർ തടഞ്ഞതോടെയാണ് വീണ്ടും സംഘർഷമുണ്ടായത്. വിഷയത്തിൽ ജില്ലാ ഭരണകൂടം ഇടപെടുകയും പ്രദേശത്ത് വൻ പൊലിസ് സന്നാഹത്തെ വിന്യസിക്കുകയും ചെയ്തു.

ഖബറടക്കത്തിനായി കുടുംബം ഖബർ കുഴിക്കാൻ തുടങ്ങിയപ്പോൾ ബി.ജെ.പി പ്രവർത്തകരെത്തി തടയുകയായിരുന്നു.  ഖബർ കുഴിച്ചത്  അനുവദിച്ച സ്ഥലത്തിന്റെ അതിർത്തിക്ക് പുറത്താണെന്ന് ബി.ജെ.പി നേതാവ് മദൻ ജോഷി ആരോപിച്ചു. സബ് ഡിവിഷണൽ മജിസ്‌ട്രേറ്റ് പ്രമോദ് കുമാർ സ്ഥലത്തെത്തി ഇരുവിഭാഗവുമായി ചർച്ച നടത്തി. അനുമതിയില്ലാതെ തുടർനടപടികൾ പാടില്ലെന്ന്  ഇരുപക്ഷത്തോടും ആവശ്യപ്പെട്ടതായി അദ്ദേഹം പറഞ്ഞു. പ്രദേശത്തിന്റെ നിയന്ത്രണം പൂർണമായും പൊലിസ് ഏറ്റെടുത്തിട്ടുണ്ട്. 
സംഘർഷം രൂക്ഷമായതോടെ ഏതാനും മുസ്‌ലിം യുവാക്കൾ  ഖബറിൽ കിടന്ന് പ്രതിഷേധിച്ചു. പൊലിസ് ഇവരെ അറസ്റ്റ് ചെയ്തു നീക്കി. 1994 മുതൽ ഈ ഭൂമിയുമായി ബന്ധപ്പെട്ട് തർക്കം നിലനിൽക്കുന്നുണ്ട്. ഈ ഭൂമി ഒരു ഹിന്ദു കുടുംബത്തിന്റേതാണെന്നാണ് ബി.ജെ.പിയുടെ അവകാശവാദം. 

A contentious issue over Waqf land has intensified in Uttarakhand, with BJP workers obstructing a burial. The situation highlights the ongoing tensions surrounding land ownership and usage. The dispute has sparked concerns about communal harmony and property rights.