മാഡ്രിഡ്: ലിവര്‍പൂളിന്റെ ഇംഗ്ലീഷ് റൈറ്റ് ബാക്ക് ട്രെന്റ് അലക്‌സാണ്ടര്‍ അര്‍നോള്‍ഡിനെ സ്വന്തമാക്കി സ്പാനിഷ് വമ്പന്‍മാരായ റയല്‍ മാഡ്രിഡ്. ലിവര്‍പൂളുമായുള്ള കരാര്‍ അവസാനിക്കുന്നതിന് മുന്‍പ് തന്നെ റെക്കോര്‍ഡ് ട്രാന്‍സ്ഫര്‍ ഫീസ് നല്‍കിയാണ് റയല്‍ മാഡ്രിഡ് ഇംഗ്ലിഷ് യുവതാരത്തെ സാന്തിയാഗോ ബെര്‍ണബ്യുവിലെത്തിച്ചത്.

ഈ ട്രാന്‍സ്ഫറിന് ശേഷം, ജൂണില്‍ അമേരിക്കയില്‍ നടക്കുന്ന ക്ലബ് ലോകകപ്പില്‍ അര്‍നോള്‍ഡ് റയല്‍ ജേഴ്‌സിയില്‍ അരങ്ങേറും. 115 കോടിയോളം നല്‍കിയാണ് റയല്‍ മാഡ്രിഡ് ഈ ഡീല്‍ പൂര്‍ത്തിയാക്കിയിരിക്കുന്നത്. താരവുമായി ആറ് വര്‍ഷത്തെ കരാര്‍ ഒപ്പിട്ടിട്ടുണ്ട്. ജൂണ്‍ ഒന്നിന് ഔദ്യോഗികമായി റയല്‍ മാഡ്രിഡ് താരമായി അദ്ദേഹം അവതരിപ്പിക്കപ്പെടും.

2016ലാണ് അര്‍നോള്‍ഡ് ലിവര്‍പൂളിലെത്തുന്നത്. ലിവര്‍പൂള്‍ ജേഴ്‌സിയില്‍ 354 മത്സരങ്ങളില്‍ മൈതാനത്തിറങ്ങിയ അദ്ദേഹം ക്ലബ്ബിനൊപ്പം ഒന്‍പത് പ്രധാന ട്രോഫികള്‍ നേടിയിട്ടുണ്ട്. ഒരു ചാമ്പ്യന്‍സ് ലീഗ്, രണ്ട് പ്രീമിയര്‍ ലീഗ്  എന്നിവ ഇതില്‍ ഉള്‍പ്പെടുന്നു.

Spanish giants Real Madrid have secured the signing of Liverpool's star right-back Trent Alexander-Arnold in a blockbuster transfer deal. The move was finalized before the expiration of his Liverpool contract, with Real Madrid paying a record transfer fee to bring the English defender to Santiago Bernabéu. This high-profile transfer marks a major shift in Alexander-Arnold's career after his successful stint at Anfield.