മസ്‌കത്ത്: സാങ്കേതിക തകരാര്‍ ശ്രദ്ധയില്‍പ്പെട്ടതിനെത്തുടര്‍ന്ന് ദുബൈയില്‍ നിന്ന് കൊച്ചിയിലേക്ക് പുറപ്പെട്ട എയര്‍ ഇന്ത്യ എക്‌സ്പ്രസ് വിമാനം അടിയന്തരമായി ഒമാന്‍ തലസ്ഥാനമായ മസ്‌കത്തില്‍ ഇറക്കി. ദുബൈയില്‍ നിന്ന് ഇന്നലെ വൈകീട്ട് അഞ്ചുമണിക്ക് പുറപ്പെട്ട ഐഎക്‌സ് 436 വിമാനമാണ് 1.15 മണിക്കൂര്‍ സമയം പറന്നതിന് ശേഷം മസ്‌കത്തില്‍ ഇറക്കിയത്. തുടര്‍ന്ന് രണ്ട് മണിക്കൂറോളം സമയം യാത്രക്കാര്‍ മസ്‌കത്ത് എയര്‍പോര്‍ട്ടിലിരുന്നു.

യാത്ര താമസം നേരിടുന്നത് യാത്രക്കാര്‍ ചോദ്യംചെയ്‌തെങ്കിലും സാങ്കേതിക തകാര്‍ എന്ന് മാത്രമാണ് മറുപടി നല്‍കിയത്. പ്രതിഷേധിച്ചതോടെ മൂന്ന് മണിക്കൂറിന് ശേഷം എല്ലാ യാത്രക്കാരെയും ഹോട്ടലിന്റെ ലോഞ്ചിലേക്ക് മാറ്റുകയായിരുന്നു. സ്ത്രീകളും കുട്ടികളുമടങ്ങുന്ന 200 ലേറെ വരുന്ന യാത്രക്കാര്‍ക്ക് വിമാനത്തിനുള്ളില്‍ ഭക്ഷണമോ വെള്ളമോ വിതരണം ചെയ്യാന്‍ അധികൃതര്‍ തയ്യാറായിരുന്നില്ലെന്നും ആരോപണമുണ്ട്.

In SHort: An Air India Express flight from Dubai to Kochi made an emergency landing in Muscat, the capital of Oman, after a technical snag was noticed. Flight IX 436, which took off from Dubai at 5 pm yesterday, landed in Muscat after a 1.15 hour flight. The passengers were then stranded at the Muscat airport for about two hours.