മംഗളൂരു: നാടിന്റെ സമാധാനവും, സുരക്ഷയും മുന്‍നിര്‍ത്തി ദക്ഷിണ കന്നട ജില്ലയില്‍ നിന്ന് 36 പേരെ നാടുകടത്താന്‍ നിയമനടപടികള്‍ ആരംഭിച്ചു. സംഘപരിവാര്‍ പ്രവര്‍ത്തകരെ ഉള്‍പ്പെടെ നാടുകടത്താനാണ് സര്‍ക്കാര്‍ തീരുമാനം. കഴിഞ്ഞ കുറച്ച് നാളുകളായി ജില്ലയിലുണ്ടായ അക്രമ സംഭവങ്ങളെ തുടര്‍ന്നാണ് നടപടി. 

ഹിന്ദുജാഗരണ്‍ വേദികെ പ്രസിഡന്റ് മഹേഷ് ഷെട്ടി തിമറോഡി, സംഘപരിവാര്‍ നേതാവ് ഭരത് കുംദേലു, ബിജെപി നേതാവ് അരുണ്‍ കുമാര്‍ പുത്തില എന്നിവരും ലിസ്റ്റില്‍ ഉള്‍പ്പെടും. 

പുത്തൂര്‍ റൂറല്‍ പരിധിയില്‍ കിഷോര്‍ (34), രാകേഷ് കെ (30), നിശാന്ത് കുമാര്‍ (22) എന്നിവരും കഡബയില്‍ മുഹമ്മദ് നവാസും (32) ഉപ്പിനങ്ങാടി പരിധിയില്‍ സന്തോഷ് കുമാര്‍ റായ് എന്ന സന്തു അഡേക്കല്‍ (35), ജയറാം (25), ഷംസുദ്ദീന്‍ (36), സന്ദീപ് (24), മുഹമ്മദ് ഷാക്കിര്‍ (35), കാരയ അസീസ് എന്ന അബ്ദുള്‍ അസീസ് (36) എന്നിവരാണുള്ളത്.

ബണ്ട്വാള്‍ ടൗണ്‍ പൊലീസ് സ്റ്റേഷന്‍ പരിധിയില്‍ ഹുസൈനാര്‍ (46), മുഹമ്മദ് സഫാന്‍ (26), രാജേഷ് എന്ന രാജു (35), ഭുവി എന്ന ഭുവിത്ത് ഷെട്ടി (35) എന്നിവരാണ് നാടുകടത്തല്‍ പട്ടികയിലുള്ളത്.

ALSO READ: ഔദ്യോഗിക വസതിയിൽ നിന്ന് പണം പിടിച്ചെടുത്ത സംഭവം; ജസ്റ്റിസ് യശ്വന്ത് വർമ്മയെ ഇംപീച്ച്‌ ചെയ്യാൻ കേന്ദ്ര സർക്കാർ 

വിട്ടല്‍ പൊലീസ് സ്റ്റേഷന്‍ പരിധിയില്‍ ഗണേഷ് പൂജാരി (35), അബ്ദുള്‍ ഖാദര്‍ എന്ന ഷൗക്കത്ത് (34), ചന്ദ്രഹാസ് (23) എന്നിവരും ബെല്‍ത്തങ്ങാടി പരിധിയില്‍ മനോജ് കുമാര്‍ (37), മഹേഷ് ഷെട്ടി തിമരോഡി (53) എന്നിവരും പുത്തൂര്‍ ടൗണ്‍ പരിധിയില്‍ ഹക്കീം കൂര്‍നാട്ക എന്ന അബ്ദുള്‍ ഹക്കീം (38), അജിത് റായ് (39), അരുണ്‍കുമാര്‍ പുത്തില (54), മനീഷ് എസ് (34), അബ്ദുള്‍ റഹിമാന്‍ (38), കെ അസീസ് (48) എന്നിവരാണുള്ളത്.

ബണ്ട്വാള്‍ റൂറല്‍ പൊലീസ് സ്റ്റേഷന്‍ പരിധിയില്‍ പവന്‍ കുമാര്‍ (33), ചരണ്‍ എന്ന ചരണ്‍ രാജ് (28), അബ്ദുള്‍ ലത്തീഫ് (40), മുഹമ്മദ് അഷ്റഫ് (44), മൊയ്ദിന്‍ അഫ്ഗാന്‍ എന്ന അദ്ദു (24), ഭരത് രാജ് ബി എന്ന ഭരത് കുമേലു (38) എന്നിവരാണുള്ളത്.

സുള്ള്യയില്‍ ലതേഷ് ഗുണി (32), മനോഹര്‍ എന്ന മനു (40), ബെല്ലാരെയില്‍ പ്രസാദ് (35), ഷമീര്‍ കെ (38) എന്നിവരാണ് വിവിധ പൊലീസ് സ്റ്റേഷന്‍ പരിധികളില്‍ നാടുകടത്തല്‍ പട്ടികയിലുള്ള മറ്റുള്ളവര്‍.

നാട്ടില്‍ ക്രമസമാധാനം നിലനിര്‍ത്തുന്നതിനും, സാമൂഹിക വിരുദ്ധ പ്രവര്‍ത്തനങ്ങള്‍ തടയുന്നതിനുമുള്ള മുന്‍കരുതല്‍ നടപടികളുടെ ഭാഗമാണ് നാടുകടത്തലെന്ന് പൊലിസ് അറിയിച്ചു. 

Mangaluru police have initiated legal proceedings to deport 36 individuals from Dakshina Kannada district